تۇركىستان وبلىسىندا سۋسىز ءومىر سۇرە الاتىن بالىق تىرشىلىك ەتەدى، دەپ حابارلايدى Almaty-akshamy.kz Inform.kz-كە سىلتەمە جاساپ.
جىلانباس دەپ اتالاتىن بالىق وڭىردەگى بارلىق سۋ ايدىندارىندا كەزدەسەدى. وتتەگىنى ەركىن تۇتىنا الاتىن ول ءبىرشاما ۋاقىتقا دەيىن قۇرعاق جەردە دە ەش قينالماي تىرشىلىك ەتەدى.
«بۇل بالىق ءشوپتى جەردە ءومىر سۇرەدى. ىستىقتى جاقسى كورەدى. نەگىزىنەن كىشكەنتاي قۇستار مەن سۋ جاندىكتەرىمەن قورەكتەنەدى. اسىرەسە، باقالاردى جاقسى كورەدى»، - دەيدى تۇركىستان وبلىسى بويىنشا سپورتتىق بالىق اۋلاۋ فەدەراسياسىنىڭ پرەزيدەنتى سەرگەي ەفرەموۆ.
جالپى، جىلانباس بالىعىنىڭ ۇزىندىعى ءبىر مەتردىڭ جوباسىن قۇرايدى ەكەن. ءتىپتى ودان دا ۇزىندارى بار. ال، سالماعىن 10 كەلىدەن كوپ.
«جىلانباس بالىعىنىڭ 16 كەلىلىگىن اۋلاعان دوستارىم بولدى. قارماقتىڭ ينەسىن تەرەڭگە جۇتىپ قويعاندىقتان، كوبىنە بالىقشىلار ساۋساعىن جارالاپ الادى. ال، نەگىزى ادامدارعا شابۋىل جاسامايدى. سوندىقتان ەش قورىقپاي، قاسىندا شومىلا بەرۋگە بولادى»،-دەيدى سەرگەي ەفرەموۆ.