مەملەكەت باسشىسى قاسىم-جومارت توقايەۆ ۋكراينا پرەزيدەنتى ۆلاديمير زەلەنسكييمەن تەلەفون ارقىلى سويلەستى، دەپ حابارلايدى Almaty-akshamy.kz Inform.kz-كە سىلتەمە جاساپ.
ۋكراينا تاراپىنىڭ باستاماسىمەن وتكەن اڭگىمەلەسۋ بارىسىندا قاسىم-جومارت توقايەۆ پەن ۆلاديمير زەلەنسكيي ءبىرىن-بىرى ەكى ەل اراسىنداعى ديپلوماتيالىق قاتىناستاردىڭ 30 جىلدىعىمەن قۇتتىقتادى. بۇل اتاۋلى كۇن 23 شىلدەدە اتاپ وتىلەدى.
قاسىم-جومارت توقايەۆ وسى كەزەڭ ىشىندە ەكونوميكالىق جانە گۋمانيتارلىق سالالارداعى ەكىجاقتى ىنتىماقتاستىقتى دامىتۋدا ماڭىزدى ءارى وڭ ناتيجەلەرگە قول جەتكىزىلگەنىن اتاپ ءوتتى. قازاقستان پرەزيدەنتى بۇۇ-نىڭ كومەك كورسەتۋىمەن ۋكراينا استىعىن ەكسپورتتاۋ جونىندەگى تۇركيادا قول جەتكىزىلگەن ءۇشجاقتى كەلىسىمگە وڭ باعا بەردى. سونىمەن قاتار مەملەكەت باسشىسى ۋكرايناداعى جاعدايدى ديپلوماتيالىق جولمەن رەتتەۋگە قاتىستى قازاقستاننىڭ تۇبەگەيلى ۇستانىمىن راستادى.