ءابىلحان قاستەيەۆ اتىنداعى ق ر مەملەكەتتىك ونەر مۋزەيىندە سۋرەتشى رافاەل سلەكەنوۆتىڭ «TANIR NURY» دەگەن تاقىرىپپەن كورمەسى اشىلدى.
وعان ونەر وكىلىنىڭ 90-عا جۋىق كەسكىندەمەلىك تۋىندىسى قويىلعان، دەپ حابارلايدى aqshamnews.kz
– رافاەل سلەكەنوۆتىڭ كارتينالارى بالالىق شاق تۋرالى ەستەلىكتەر مەن ادامزات پەن نازىك تابيعات، قورشاعان الەم اراسىنداعى ءۇنسىز بايلانىستى كورسەتە وتىرىپ سىر شەرتەدى. اۆتوردىڭ تۋىندىلارىنداعى جان سارايىنىڭ كورىنىسى ءبىر وزگەشە سۇلۋ دا سىرلى، تاڭعاجايىپ جۇمباققا تولى «ءۇي الەمىن» قۇرايتىنداي. اۆتور ءۇشىن بۇل جۇمباق مەكەن ءۇيى – قورعانى، قۇتقارۋشى ورنى، ءومىرىنىڭ جىلۋى مەن جايلىلىعىنىڭ كورىنىسى سەكىلدى. اۆتور ءدال وسى ۇيدە، قاراپايىم تۇرمىستا، ادامداردىڭ رۋحاني ەڭبەگى مەن تابيعاتتىڭ جاسىل شۇعىلاسىندا ادام بولمىسىنىڭ پوەزياسىن كورەدى، – دەيدى كورمە جەتەكشىسى لاۋرا ابىلدايەۆا.
رافاەلدىڭ تۋىندىلارىندا كوكشىل ءتۇس ەرەكشە ورىن الادى. ول ءداستۇرلى تۇسىنىك بويىنشا – ءتاڭىردىڭ كوك اسپانمەن بايلانىسۋى، تۇركى حالىقتارىنىڭ نانىمىندا ماڭىزدى جانە قۇرمەتتى بولىپ سانالادى. سوندىقتان دا كورمە «TANIR NURY» دەپ اتالعان.
رافاەل سلەكەنوۆ قازاقستان سۋرەتشىلەر وداعىنىڭ مۇشەسى، كوركەمسۋرەت اكادەمياسىنىڭ كوررەسپوندەنت-مۇشەسى. «تارلان» سىيلىعىنىڭ يەگەرى. 2000 جىلى «جىگەر» حالىقارالىق فەستيۆالىنىڭ ءىىى ورىن، 2001 جىلى 4ء-شى حالىقارالىق «شابىت» شىعارماشىل جاستار فەستيۆالىنىڭ ءى ورىن يەگەرى. 2008 جىلى پولشا مادەنيەت مينيسترلىگىنىڭ شاكىرتاقىسىنا يە بولعان. 2010 جىلدان باستاپ ستوكگولمدەگى «Mirra Art Group» سۋرەتشىلەر حالىقارالىق قاۋىمداستىعىنىڭ مۇشەسى.