برازيليانىڭ كاشياس-دۋ-سۋل قالاسىندا وتكەن XءحىV جازعى سۋردليمپيادا ويىندارىنا ۇلتتىق قۇراما ساپىندا جامبىل وبلىسىنان 13 سپورتشى قاتىسىپ، 11 مەدال يەلەندى.
ايماق باسشىسى نۇرجان نۇرجىگىتوۆ جۇلدەگەرلەرمەن كەزدەسىپ، سپورتشىلارعا پاتەر كىلتتەرىن تابىستادى، دەپ حابارلايدى Almaty-akshamy.kz
ەركىن كۇرەستەن 2-ورىن يەلەنگەن عابيت ەسجانوۆ پەن عاسىر تۇرعىنبايعا، دزيۋدودان 2-ورىن العان اننا كراموروۆاعا 2 بولمەلى پاتەردىڭ سەرتيفيكاتى تابىستالدى. ال، تاەكۆوندودان 3-ورىن يەلەنگەن ولجاس رىسجانوۆقا، گرەك-ريم كۇرەسىنەن 3-ورىن العان اسان نۇرجانعا، دزيۋدودان 3-ورىن العان فەريدە كارا وگلىعا 1 بولمەلى پاتەردىڭ سەرتيفيكاتتارى تاپسىرىلدى.
سونداي-اق دزيۋدو، گرەك-ريم، ەركىن كۇرەستەرىنەن جانە جەڭىل اتلەتيكا مەن جۇزۋدەن ءتۇرلى ورىنداردان كورىنگەن سپورتشىلار ايدوس تۇگەلبايەۆ، ەۆەلينا ەگەمبەردييەۆا، ابزال دوسجانوۆ، شىڭعىسحان الديبايەۆ، يانا سيبيرياكوۆا، رۋسلان رايمبەكوۆ، سوفيا زاكۋتناياعا ەستەلىك سىيلىقتار بەرىلدى. سونىمەن قاتار، جاتتىقتىرۋشىلار ەرنازار قونىسبايەۆ (ەركىن كۇرەستەن)، الەكساندر ان (تاەكۆوندو)، رينات يسمايلوۆ (گرەك-ريم كۇرەسى)، اسكار ۋسۋبالييەۆكە (ءجۇزۋ) جانە سپورتشىلارعا العىس حاتتار مەن ارنايى سەرتيفيكاتتار تابىستالدى.
وبلىس اكىمى ەل نامىسىن قورعاپ، ناتيجەلى ونەر كورسەتكەن سپورتشىلاردى قۇتتىقتاپ، ريزاشىلىعىن جەتكىزدى. جاتتىقتىرۋشىلارىنىڭ دا زور ۇلەسىن ايرىقشا اتاپ ءوتتى. سونداي-اق وبلىستىڭ سپورت سالاسىندا اتقارىلىپ جاتقان جۇمىستار مەن وڭ كورسەتكىشتەرگە، بۇل باعىتتا مەملەكەت باسشىسىنىڭ تاپسىرماسىنا سايكەس اۋقىمدى قولداۋلار كورسەتىلىپ جاتقانىنا نازار اۋداردى.
ءوز كەزەگىندە جاتتىقتىرۋشىلار مەن سپورتشىلار ىقىلاس بىلدىرگەن وبلىس باسشىلىعىنا ريزاشىلىقتارىن ايتىپ، ارنايى جاتاقحانا، سپورت كەشەنىن سالۋ بويىنشا ۇسىنىستارىن العا تارتتى.
ايتا كەتسەك، XءحىV جازعى سۋردليمپيادا ويىندارىندا قازاقستان ۇلتتىق قۇراماسىنىڭ 65 ويىنشىسى سپورتتىڭ 9 تۇرىنەن ەل نامىسىن قورعادى. جالپى مەدالدىك ەسەپتە 73 ەلدىڭ اراسىندا ۇلتتىق قۇراما 13-ورىنعا تۇراقتادى.