Telegram-ارنالاردا بالالاردى ءبىرىنشى سىنىپقا قابىلداۋ ءۇشىن ساۋساق ىزدەرى مەن ينتيمدىك ءومىرى تۋرالى انىقتاما تالاپ ەتىلەدى دەگەن اقپارات تاراعان.
ءبىلىم مينيسترلىگىنىڭ اقپاراتىنا سايكەس، بالالاردى ءبىرىنشى سىنىپقا قابىلداۋ ءۇشىن مۇنداي مالىمەتتەر ۇسىنۋدىڭ قاجەتى جوق، دەپ حابارلايدى Almaty-akshamy.kz
بالالار ءبىرىنشى سىنىپقا التى جاستان باستاپ قابىلدانادى. بالانى ءبىرىنشى سىنىپقا بەرۋ ءۇشىن اتا-انا «ەلەكتروندىق ۇكىمەت» پورتالى ارقىلى نەمەسە قاعاز تاسىمالداعىشتا 1 ساۋىردەن 1 تامىزعا دەيىن مىناداي قۇجاتتاردى ۇسىنادى:
اتا-انالاردىڭ مەكتەپكە قابىلداۋ تۋرالى ءوتىنىشى؛
بالانىڭ تۋۋ تۋرالى كۋالىگى؛
دەنساۋلىق جاعدايى تۋرالى انىقتاما، №063ۋ نىسان؛
بالانىڭ دەنساۋلىق پاسپورتى 026 / ۋ-3؛
بالانىڭ فوتوسۋرەتى 3ح4 سم (2 دانا)، – دەپ حابارلادى ۆەدومستۆودان.
جەلىدە تاراعان حابارلامادا مەكتەپكە بارۋ ءۇشىن قاجەت اقپارات تىزبەسىندە مىندەتتى الەۋمەتتىك ساقتاندىرۋ ءپوليسىنىڭ رەكۆيزيتتەرى، دەربەس ەسەپشوتتىڭ ساقتاندىرۋ ءنومىرى سىندى تارماقتار كورسەتىلگەن. ال قازاقستاندىقتاردا مۇنداي قۇجات اتىمەن جوق.
«دەمەك، قازاقستاندىق چاتتاردا تاراتىلعان اقپاراتتىڭ ءبىزدىڭ ەلگە قاتىسى جوق»، - دەلىنگەن حابارلامادا.