الماتىلىق «قايرات» پەن قوستانايلىق «توبىل» كەزدەسەدى
ماچ 2 ناۋرىز كۇنى ەلورداداعى «استانا ارەنا» ستاديونىندا بولادى. بۇل جونىندە قازاقستان كاسىپقوي فۋتبول ليگاسىنىڭ باسپا ءسوز قىزمەتى مالىمدەدى، دەپ حابارلايدى Almaty-akshamy.kz 24.kz-كە سىلتەمە جاساپ.
«ناۋرىزدا ويىندار كەستەسىنىڭ تىعىزدىعىنا بايلانىستى كلۋبتارمەن كەلىسە وتىرىپ، سۋپەركۋبوك جەڭىمپازىن كلاسسيكالىق تۇردە ءبىر ويىنمەن انىقتاۋ تۋرالى شەشىم قابىلداندى»، - دەلىنگەن رەسمي حابارلامادا.
ەسكە سالا كەتەيىك، قازاقستان سۋپەركۋبوگى 24 اقپاندا باستالۋى كەرەك ەدى. تۋرنيرگە «توبىل»، «استانا»، «قايرات» جانە «قىزىل جار» قاتىسادى دەپ جوسپارلانعان. ءبىراق قاڭتارداعى جاعدايعا بايلانىستى ۋاقىتى شەگەرىلدى. ءتىپتى وتپەۋى مۇمكىن دەگەن اقپارات تارادى. ەندى باسى-قاسىنداعىلار وسىنداي فورماتتا جاساماق. ال ەل چەمپيوناتىنىڭ ءوزى 5 ناۋرىزدا باستالادى.