الماتى اكىمىمەن كەزدەسۋلەردە ايتىلعان قالا تۇرعىندارىنىڭ پروبلەمالارى قالاي شەشىلەدى
الماتى اكىمى ەربولات دوسايەۆ ناۋرىزباي اۋدانىنىڭ تۇرعىندارىمەن كەزەكتى كەزدەسۋ وتكىزدى. قالا اكىمدىگىنىڭ باسپا ءسوز قىزمەتى 2023 جىلدىڭ تامىز ايىندا اۋدان تۇرعىندارىمەن كەزدەسۋدە مەگاپوليس باسشىسىنىڭ بەرگەن تاپسىرمالارىنىڭ ورىندالعانى تۋرالى ايتىپ بەردى.
سودان كەيىن تۇرعىندار كوممۋنالدىق ينفراقۇرىلىممەن قامتاماسىز ەتۋ، جولداردى جوندەۋ، كوشەلەردى جارىقتاندىرۋ، مەكتەپكە دەيىنگى ۇيىمداردا ورىن تاپشىلىعى جانە ت.ب. ماسەلەلەردى كوتەرگەن بولاتىن.
ناتيجەسىندە 2023 جىلى اۋداننىڭ 170 كوشەسىندەگى شۇڭقىرلار جويىلدى، 1000 ليۋكتەر تۇزەلدى،100 ليۋك پەن جاڭبىر قاقپاقتارى اۋىستىرىلدى. سونداي-اق جارامسىز بولىپ قالعان ارىق ناۋالارىن اۋىستىرۋ جۇمىستارى جۇرگىزىلدى. ورتاشا جوندەۋ اياسىندا قالقامان، شۇعىلا جانە تاستىبۇلاق شاعىن اۋداندارىنىڭ ۇزىندىعى 13،9 كم 18 كوشەسىندە جۇمىستار جۇرگىزىلدى.
- سونداي-اق، شۇعىلا ش/ا سۋ قۇبىرى جەلىلەرىنىڭ تارتىلىپ قالۋىنا قاتىستى شاعىمدار بولدى. وتكەن جىلدىڭ قورىتىندىسى بويىنشا 28 كم سۋ قۇبىرى مەن كارىزدىڭ قۇرىلىسى اياقتالدى.
- بۇدان باسقا، "حالىق قاتىساتىن بيۋدجەت" باعدارلاماسى اياسىندا جالپى ۇزىندىعى 48 كم بولاتىن 57 كوشە مەن تۇيىق كوشەلەردە سىرتقى جارىقتاندىرۋ جەلىلەرى سالىندى، 800 تىرەك ورناتىلدى.
- كەزدەسۋدە گۇلزارلار مەن ساياباق ايماقتارىنداعى جاسىل جەلەكتەرگە كۇتىم جاساۋ، اتاپ ايتقاندا ۋاقتىلى سۋارۋ ماسەلەسى كوتەرىلدى. ناتيجەسىندە الاتاۋ، نۇرمۇحامەدوۆ كوشەلەرىنىڭ ۋچاسكەلەرىندە جانە "اقجار" سكۆەرىندە اۆتوماتتاندىرىلعان سۋارۋ جۇيەسى ورناتىلدى.
اۋداننىڭ وزەكتى ماسەلەلەرىنىڭ بىرى-مەكتەپكە دەيىنگى جانە مەكتەپ مەكەمەلەرىندە ورىن تاپشىلىعى. قالا اكىمىنىڭ تاپسىرماسى بويىنشا قازان ايىندا شۇعىلا ش/ا №174 مەكتەپكە 375 وقۋشىعا ارنالعان قوسىمشا قۇرىلىس جۇمىستارى باستالدى. "مەكتەپ اۆتوبۋسى" جوباسى اياسىندا جەتى مەكتەپكە 2939 وقۋشىنى قامتيتىن 32 اۆتوبۋس ءبولىندى. سونداي-اق جەلتوقسان ايىندا قۇرامىس جانە شۇعىلا شاعىن اۋداندارىندا 640 ورىندىق ەكى بالاباقشانىڭ قۇرىلىسى باستالدى. سونىمەن قاتار، 2023 جىلى اۋداندا 806 ورىندىق 16 جەكە بالاباقشا اشىلدى.