بۇگىن – عۇمىرى انگە اينالىپ كەتكەن الاشتىڭ اردا ءانشىسى سەيىل اياعاننىڭ تۋعان كۇنى.
قاراعاندى وبلىسىنىڭ مادەنيەت، ارحيۆتەر جانە قۇجاتتاما باسقارماسىنىڭ ۇيىمداستىرۋىمەن 19 قازان كۇنى مارقۇمنىڭ تۇرعان ۇيىنە (قاراعاندى قالاسى، رەسپۋبليكا داڭعىلى 1/3) مەموريالدىق تاقتا ورناتىلدى، دەپ حابارلايدى Almaty-akshamy.kz
تاقتانىڭ اشىلۋ سالتاناتىنا قاراعاندى وبلىسى اكىمىنىڭ ورىنباسارى باۋىرجان اسانوۆ، بەلگىلى ءانشى، ونەرتانۋشى ەرلان تولەۋتاي جانە باسقا قوعام قايراتكەرلەرى قاتىستى.
تانىمال ءانشى ءارى كومپوزيتور سەيىل اياعان بيىلعى جىلدىڭ قاڭتار ايىندا 52 جاسقا قاراعان شاعىندا دۇنيەدەن ءوتتى.
سەيىل اياعان قاراعاندى وبلىسى، شەت اۋدانى، قىزىلتاۋ سوۆحوزىندا دۇنيەگە كەلگەن. ونىڭ "جاس قالام"، "تاڭ سامالى"، "بالا ماحاببات"، "جىبەرىلگەن حات"، "قانداي سۇلۋ دۇنيە" جانە تاعى دا باسقا حيت اندەرى بار.