ءماجىلىس دەپۋتاتتارى سۋ رەسۋرستارى جانە يرريگاسيا مينيسترلىگىمەن سۋ قاتىناستارى سۋبەكتىلەرىنىڭ سۋ رەسۋرستارىن قورعاۋ جانە پايدالانۋ سالاسىنداعى قۇقىق بۇزۋشىلىقتار ءۇشىن جاۋاپكەرشىلىگىن ارتتىرۋ ماقساتىندا «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ازىرلەدى، دەپ حابارلايدى aqshamnews.kz.
زاڭ جوباسى سۋ قاتىناستارى سۋبەكتىلەرىنىڭ سۋ قورعاۋ ايماقتارى مەن بەلدەۋلەرىندە سۋ پايدالانۋدىڭ جانە شارۋاشىلىق قىزمەتتىڭ بەلگىلەنگەن رەجيمىن ساقتاۋ، سۋ شارۋاشىلىعى جانە گيدروتەحنيكالىق قۇرىلىستاردى ءقاۋىپسىز پايدالانۋدى قامتاماسىز ەتۋ جونىندەگى سۋ زاڭناماسىنىڭ تالاپتارىن بۇزعانى ءۇشىن جاۋاپكەرشىلىگىن قاتاڭداتۋدى كوزدەيدى.
سۋ وبەكتىلەرىن قولدانۋعا ارنالعان تىيىم بەلگىلەرىن جويعانى ءۇشىن ايىپپۇل ارتادى:
- جەكە تۇلعالار ءۇشىن 5-تەن 50 اەك-كە دەيىن؛
- لاۋازىمدى تۇلعالار مەن شاعىن كاسىپكەرلىك سۋبەكتىلەرىنەن نەمەسە كوممەرسيالىق ەمەس ۇيىمدارعا 30-دان 300 اەك-كە دەيىن؛
- ورتا كاسىپكەرلىك سۋبەكتىلەرى ءۇشىن 70-تەن 700 اەك-كە دەيىن؛
- ءىرى كاسىپكەرلىك سۋبەكتىلەرى ءۇشىن 100-دەن 1000 اەك-كە دەيىن.
ەسكە سالا كەتەيىك، ەلىمىزدە اەك (ايلىق ەسەپتىك كورسەتكىش) كولەمى 3 692 تەڭگە.
سونىمەن قاتار سۋ وبەكتىلەرىن زاڭسىز يەلەنگەنى ءۇشىن ايىپپۇل كولەمى وسەدى:
- جەكە تۇلعالار ءۇشىن 30 دان 150 اەك دەيىن؛
- لاۋازىمدى تۇلعالار، شاعىن كاسىپكەرلىك سۋبەكتىلەرىنەن نەمەسە كوممەرسيالىق ەمەس ۇيىمدار ءۇشىن 40-تان 200 اەك-كە دەيىن؛
- ورتا كاسىپكەرلىك سۋبەكتىلەرى ءۇشىن 60-تان 300 اەك-كە دەيىن؛
- ءىرى كاسىپكەرلىك سۋبەكتىلەرى ءۇشىن 260 - تان 1300 اەك-كە دەيىن.
ودان بولەك، سۋدى ماقساتسىز پايدالانعانى ءۇشىن ايىپپۇل ارتادى:
- جەكە تۇلعالار ءۇشىن 10-نان 50 اەك-كە دەيىن؛
- لاۋازىمدى تۇلعالار ءۇشىن، شاعىن كاسىپكەرلىك سۋبەكتىلەرىنەن نەمەسە كوممەرسيالىق ەمەس ۇيىمدار ءۇشىن 20-دان 100 اەك-كە دەيىن؛
- ورتا كاسىپكەرلىك سۋبەكتىلەرى ءۇشىن 30-دان 150 اەك-كە دەيىن؛
- ءىرى كاسىپكەرلىك سۋبەكتىلەرى ءۇشىن 170 - تەن 850 اەك-كە دەيىن.
جوبا «اشىق نقا» پورتالىندا 22 تامىزعا دەيىن جۇرتشىلىقتىڭ تالقىسىنا ۇسىنىلىپ وتىر.