سوت قاۋلىسى ءالى زاڭدى كۇشىنە ەنگەن جوق.
الماتى وبلىسىندا سۋديانى جەمقور دەپ اتاعان ەر ادام تەمىر تورعا توعىتىلاتىن بولدى، دەپ حابارلايدى aqshamnews.kz
قونايەۆ قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىندا سۋديانى قۇرمەتتەمەۋ فاكتىسى بويىنشا قوزعالعان ءىس قارالدى.
سۋدياعا ايىپ تاققان ق. جەر ۋچاسكەسىن بوساتۋ (زاڭسىز قۇرىلىستاردى بۇزۋ) تۋرالى الدىنداعى ازاماتتىق ءىس بويىنشا جاۋاپكەر بولعان. سوتتا قۇقىق بۇزۋشى كىناسىن مويىندامادى جانە ەسكەرتۋمەن شەكتەلۋدى سۇرادى.
قۇقىق بۇزۋشىلىق فاكتىسى اكىمشىلىك قۇقىق بۇزۋشىلىق تۋرالى حاتتامامەن، بەينەجازبامەن جانە باسقا دا دالەلدەمەلەرمەن راستالدى.
سوتتا ەر ادام ق ر اقبتك-نىڭ 653-بابىنىڭ 1-بولىگى بويىنشا كىنالى دەپ تانىلىپ، وعان 5 تاۋلىككە قاماۋعا الۋ جازاسى تاعايىندالدى.