پسيحولوگيالىق تەستىلەۋگە بارلىعى 88 كانديدات قاتىسقان.
جوعارعى سوت كەڭەسىنىڭ مالىمەتىنشە، سۋديا لاۋازىمىنا ۇمىتكەر 32 ادام پسيحولوگيالىق تەستىلەۋدەن وتكەن جوق، دەپ حابارلايدى Almaty-akshamy.kz
ۆەدومستۆونىڭ باسپا ءسوز قىزمەتى ءمالىم ەتكەندەي، سۋديا لاۋازىمىنا بىلىكتىلىك ەمتيحانىننىڭ ءتورتىنشى كەزەڭى – سۋديالىققا كانديداتتاردىڭ پسيحولوگيالىق تەستىلەۋدەن ءوتۋى اياقتالدى.
"پسيحولوگيالىق تەستىلەۋگە، جالپى العاندا، 88 كانديدات قاتىستى. پسيحولوگيالىق تەستىلەۋدىڭ ناتيجەلەرى بويىنشا تەستىلەۋدەن ءساتتى وتكەن 56 كانديدات بىلىكتىلىك ەمتيحانىنىڭ كەلەسى كەزەڭى – بىلىكتىلىك كوميسسياسىنىڭ مۇشەلەرىمەن سۇحباتتاسۋىنا جىبەرىلەدى"، - دەلىنگەن حابارلامادا.
قالعان 32 كانديدات پسيحولوگيالىق تەستىلەۋدەن وتە الماي قالعان.
ايتا كەتسەك، بۇگىن مەملەكەت باسشىسى "سوت جۇيەسى مەن سۋديالارىنىڭ مارتەبەسى تۋرالى" كونستيتۋسيالىق زاڭعا قول قويدى.