بۇل شوتتاردا 1،4 ترلن تەڭگە اقشا بار
492 مىڭ رەسەيلىك ازامات قازاقستاندىق بانكتەردەن شوت اشقان. بۇل تۋرالى ق ر قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ورىنباسارى ولجاس قيزاتوۆ ورتالىق كوممۋنيكاسيالار قىزمەتىندە وتكەن بريفينگتە ايتتى، دەپ حابارلايدى Almaty-akshamy.kz Azattyq Ruhy-نا سىلتەمە جاساپ.
«2023 جىلدىڭ 1 ناۋرىزداعى جاعداي بويىنشا، 492 مىڭ رەسەيدىڭ رەزيدەنتى قازاقستاندىق بانكتەردەن شوت اشقان. بۇل شوتتاردا 1،4 ترلن تەڭگە اقشا بار. 2022 جىلعى 1 اقپاندا 157 مىڭ ادام بولعان. ياعني، شوت اشۋشىلار سانى 492 مىڭعا كوبەيگەن. 151 ملرد تەڭگەدەن 1،4 ترلن تەڭگەگە ءوسىپ وتىر. بۇل رەسەيدەن اقشا كەلىپ جاتسا، ءبىزدىڭ ەكونوميكاعا وڭ اسەرىن بەرىپ جاتىر دەگەن ءسوز»، - دەدى قيزاتوۆ.
ونىڭ ايتۋىنشا، بانك سەكتورى كاپيتالداندىرۋ كورسەتكىشتەرى بويىنشا دا، وتىمدىلىك كورسەتكىشتەرى بويىنشا دا ۇلكەن بەرىكتىك قورىن كورسەتىپ جاتىر.