استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا ق.بيشىمبايەۆتىڭ ءىسىن قاراپ جاتقان سۋديا ايجان قۇلبايەۆا باس سوت تالقىلاۋىنا قاتىسۋشىلارعا، ونىڭ ىشىندە جۋرناليستەرگە جەكە قۇقىقتارىن ءتۇسىندىرىپ، القابيلەردى فوتو-ۆيدەوعا تۇسىرۋگە تىيىم سالدى.
"ماسەلەن، باق-تىڭ ىس-ارەكەتى سوت تالقىلاۋىنىڭ قالىپتى بارىسىنا كەدەرگى كەلتىرمەۋى ءتيىس. وسى سەبەپتى بۇقارالىق اقپارات قۇرالدارىنا تۇسىندىرگىم كەلەدى، ەگەر ءسىزدىڭ سوت زالىندا بولۋىڭىز سوتتىڭ قالىپتى جۇمىسىنا كەدەرگى كەلتىرسە، وندا سوت ءسىزدى سوت زالىنان شىعارۋعا ءماجبۇر بولادى. سونداي-اق، ءسىز زاڭنامانىڭ تالاپتارىنا سايكەس ءتوراعالىق ەتۋشىنىڭ تالاپتارىنا باعىنۋىڭىز كەرەك ەكەنىن ەسكەرتەمىن. بۇدان باسقا، القابيلەرمەن پروسەستىك ەمەس بايلانىستاردى بولدىرماۋ ماقساتىندا، سونداي-اق ءىس بويىنشا ۇلكەن قوعامدىق رەزونانستى جانە الەۋمەتتىك جەلىلەردە ترانسلياسيانى ەسكەرە وتىرىپ، ەڭ الدىمەن بۇقارالىق اقپارات قۇرالدارىنىڭ سوت تورەلىگى مۇددەسىندە القابيلەردى سۋرەتكە نە ۆيدەوعا تۇسىرۋگە تىيىم سالىناتىنىن نازارلارىڭىزعا جەتكىزگىم كەلەدى"، - دەپ اتاپ ءوتتى ايجان قۇلبايەۆا.
ول بۇل تالاپتار ساقتالماعان جاعدايدا جانە الەۋمەتتىك جەلىلەردە فوتوسۋرەت نەمەسە قانداي دا ءبىر ءتۇسىرىلىم جانە القابيلەر ءتۇسىپ قالعان سوت وتىرىسى ۆيدەوسى انىقتالعان جاعدايدا ءتيىستى شارالار قابىلداناتىنىن ەسكەرتتى.