وسىنداي تاقىرىپپەن الماتى وبلىسىنىڭ تجد بالالارمەن جانە اتا-انالارمەن تۇسىندىرمە جۇمىستارىن وتكىزىلىپ ءجۇر.
سەبەبى شومىلۋ ماۋسىمىنداعى وزەكتى ماسەلەنىڭ ءبىرى وسى، دەپ حابارلايدى Almaty-akshamy.kz
سۋ نارەستەلەر ءۇشىن عانا ەمەس، ۇلكەنىرەك بالالار، مەكتەپ وقۋشىلارى ءۇشىن دە ءقاۋىپتى.
بارلىق بالالار ءجۇزۋدى، شومىلۋدى، سۋ شاشۋدى جانە جاي عانا سۋدىڭ جانىندا بولۋدى جاقسى كورەدى. سوندىقتان اتا-انانىڭ بالاعا ەرەكشە كوڭىل ءبولۋى كەرەك. راسىندا دا، جازدا كوپ اتا-انا بالالارىمەن، اۋىلدا ۋاقىت وتكىزەدى. ەگەر 100 مەتر راديۋستا ءتىپتى كىشكەنە سۋ بولسا، اتا-انانىڭ مىندەتى - بالانى ءبىر مينۋتقا قاراۋسىز قالدىرماۋ.
«اتا-انالاردىڭ نازارىن اۋا ماتراستارىن، اۆتوكولىك كامەرالارىن پايدالانۋعا ەرەكشە اۋدارعىمىز كەلەدى. ەرەسەكتەر اراسىندا پنيەۆماتيكالىق ماتراستار، شەڭبەرلەر جانە باسقا دا شومىلۋ قۇرالدارى سەنىمدى قورعانىس قۇرالى دەگەن قاتە پىكىر بار. ءبىراق بۇل ولاي ەمەس. بىرىنشىدەن، ءونىم وڭاي بۇلىنەتىندىكتەن جانە ويلاماعان جەردە جەلى شىعىپ كەتۋى مۇمكىن، ەكىنشىدەن، ءجۇزۋ ورنىنان سۋعا تايىپ كەتۋى وتە وڭاي، ەگەر بالا جۇزە الماسا، ول سۋعا باتىپ كەتۋى مۇمكىن. ءجۇزۋ ءۇشىن ورىندى مۇقيات جانە جاۋاپكەرشىلىكپەن تاڭداڭىز، جاعاسى بيىك جەرلەردەن اۋلاق بولىڭىز، سۋدىڭ ءتۇبى تازا بولۋى كەرەك. بالا قانشالىقتى جاقسى جۇزسە دە، ونىڭ تەرەڭدىكتە جۇزۋىنە جول بەرمەڭىز»، دەيدى تجد ماماندارى.
الماتى وبلىسىنىڭ توتەنشە جاعدايلار دەپارتامەنتى جازعى دەمالىس كەزىندە بالالارمەن جانە اتا-انالارمەن سۋ ايدىندارى مەن باسسەيندەردە پروفيلاكتيكالىق رەيدتىك ءىس-شارالار وتكىزىپ، سۋداعى قاۋىپسىزدىك ماسەلەلەرى بويىنشا تۇسىندىرمە جۇمىستارى وتكىزۋدە. سونداي-اق ادامداردى قۇتقارۋ جانە العاشقى مەديسينالىق كومەك كورسەتۋدى ۇيرەتۋ جۇمىستارى جۇرگىزىلدى.
«قۇرمەتتى اتا-انالار! جاز – دەمالۋدىڭ، جاعىمدى ەموسيالاردىڭ، جارقىن اسەرلەردىڭ تاماشا ۋاقىتى. ءبىراق بۇل بالالار ءۇشىن جاراقاتتانۋدىڭ ەڭ ءقاۋىپتى كەزەڭدەردىڭ ءبىرى. دەمالىسىڭىزدى مۇمكىندىگىنشە ءقاۋىپسىز ەتۋگە تىرىسىڭىز، بالالارىڭىزبەن جاقىن بولىڭىز جانە ولارعا قامقورلىق جاساڭىز»، دەلىنگەن الماتى وبلىسى تجد باسپا ءسوز قىزمەتى تاراتقان اقپاراتتا.