اۋىلشارۋاشىلىق ءونىمىن وڭدەيتىن كاسىپورىندارعا سۋبسيديا بەرۋ ءتارتىبى وزگەرمەك.
اۋىلشارۋاشىلىق ءونىمىن تەرەڭدەتە وڭدەيتىن كاسىپورىنداردىڭ شىعىندارىن سۋبسيديالاۋ ءتارتىبى وزگەرۋى مۇمكىن. بۇل تۋرالى اۋىل شارۋاشىلىعى مينيسترلىگى اشىق تالقىعا شىعارعان بۇيرىعىندا كورسەتىلگەن، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«ءوتىنىم بويىنشا سۋبسيديالار سوماسىن تولىق تولەۋ ءۇشىن قاجەتتى بيۋدجەت قاراجاتى جەتكىلىكسىز بولعان جاعدايدا سۋبسيديالار سوماسىن بولىكتەرگە بولۋگە جول بەرىلەدى. بۇل رەتتە سۋبسيديالار سوماسىنىڭ تولەنبەگەن قالدىعى كەلەسى ايدا نە اعىمداعى نەمەسە قارجى جىلىندا قوسىمشا بيۋدجەت قاراجاتى بولىنگەن كەزدە تولەنەدى»، - دەلىنگەن جاڭا رەداكسيادا.
توقتالا كەتسەك، قولدانىستاعى تارتىپتە كاسىپكەرلەر بەرگەن ءوتىنىش بويىنشا سۋبسيديا سوماسىن جەرگىلىكتى بيۋدجەتتەن وتەۋ مۇمكىن بولماسا، وندا ماسليحات شەشىمىمەن وڭىرلىك بيۋدجەتتەن قوسىمشا قاراجات بولىنەتىن. ال ەنگىزىلگەلى وتىرعان وزگەرىسكە سايكەس، قاراجات جەتىسپەسە، جاۋاپتى ورگان سۋبسيديانى فەرمەرلەرگە ءبولىپ تولەمەك.
قۇجاتتى اشىق تالقىلاۋ 27 قاڭتارعا دەيىن جالعاسادى.