باراحولكاداعى ءورت اۋىزدىقتالدى

قويماداعى جالىندى وشىرۋگە ءتورت ساعاتتاي ۋاقىت كەتكەن.

الماتىداعى بازاردىڭ بىرىندەگى قويمادان شىققان ءورت ءسوندىرىلدى، دەپ حابارلايدى اlmaty-akshamy.kz الماتى قالالىق توتەنشە جاعدايلار دەپارتامەنتىنە سىلتەمە جاساپ.

وقيعا ورنىندا جەكە قۇرامنىڭ 91 قىزمەتكەرى، 23 تەحنيكاسى مەن «الماتى سۋ» مەكەمەسىنىڭ 2 سۋ تاسىعىش ماشيناسى جانە قالانىڭ ءوزارا ءىس-قيمىلىنىڭ بۇكىل كۇش-قۇرالدارى جۇمىلدىرىلدى.

«ءورت ءسوندىرۋ جۇمىستارى وڭايعا سوقپادى. ويتكەنى وبەكتىدەگى ءورت گيدرانتىنان اقاۋ شىقتى. وسىعان بايلانىستى سۋ بەرۋ جۇمىستارى قوسىمشا قامتاماسىز ەتىلدى: ءورت ءسوندىرۋ اۆتوسيستەرنالارىنان ماگيسترالدىق جەلىلەر تارتىلدى، جاقىن ماڭداعى سۋ قويماسىنان سۋ الىندى. الماتى سۋ تەحنيكاسى ىسكە قوسىلدى. قۇرىلىمدار قۇلاپ، ءورت سوندىرۋشىلەر قويماعا كىرە الماي اۋرەگە ءتۇستى»، - دەپ حابارلادى قالالىق تجد باسپا ءسوز قىزمەتى.

شۇعىل قابىلدانعان شارالاردىڭ ارقاسىندا ءورت تۇسكى ساعات 13:18-دە تولىق ءسوندىرىلدى.

ەسكە سالساق، الماتىداعى قويمالاردىڭ ءبىرى بۇگىن تاڭەرتەڭنەن بەرى ورتەنىپ جاتقانىن حابارلاعان بولاتىنبىز.