«تەڭىزشيەۆرويل» ج ش س (تشو) وسىنداي قيىن-قىستاۋ كەزەڭدە اتىراۋ وبلىسىنىڭ تۇرعىندارىمەن جانە قازاقستان حالقىمەن بىرگە.
بۇل جاعدايدىڭ حالىقتىڭ ومىرىنە ەلەۋلى اسەر ەتەتىنىن ەسكەرە وتىرىپ، سۋ تاسقىنىنا قارسى جەدەل ارەكەت ەتۋ شارالارىنا جانە جاعداي باسىلعاننان كەيىن قالپىنا كەلتىرۋ جۇمىستارىنا قولداۋ كورسەتۋ ماقساتىندا تەڭىزشيەۆرويل قازىرگى تاڭدا 2 ميلليارد تەڭگە قاراجات بولەدى.
بۇل بولىنگەن قاراجات ايماق تۇرعىندارى سۋ تاسقىنىنىڭ تىكەلەي سالدارىن جويۋعا جانە زارداپ شەككەندەردىڭ تۇرمىسىن قالپىنا كەلتىرۋگە سەپتىگىن تيگىزەتىن ماڭىزدى ۇلەس بولىپ تابىلادى.
سۋ تاسقىنىنىڭ العاشقى بەلگىلەرى كورىنگەننەن باستاپ، تەڭىزشيەۆرويل مۇمكىندىگىنشە قولدا بار رەسۋرستاردى ۇسىنۋ ارقىلى جەرگىلىكتى حالىققا جانە كوپشىلىگى تاسقىن سۋدان زارداپ شەككەن ايماقتاردا تۇراتىن قىزمەتكەرلەرىنە قولداۋ كورسەتۋ ماقساتىندا، ءوزىنىڭ بيزنەس سەرىكتەستەرىمەن جانە اتىراۋ وبلىسىنىڭ اكىمدىگىمەن ىنتىماقتاسىپ جۇمىس ىستەۋدە.
وسى ۋاقىتقا دەيىن، تشو مەن ونىڭ بيزنەس سەرىكتەستەرى 90-نان استام مامانداندىرىلعان تەحنيكا، شامامەن 30 اۆتوبۋس، سونداي-اق ازىق-تۇلىك تاۋارلارى مەن جانار-جاعارماي ۇسىندى.
تەڭىزشيەۆرويل قازاقستاننىڭ يگىلىگى ءۇشىن ءوندىرىستى ءقاۋىپسىز جانە سەنىمدى تۇردە جۇرگىزۋدى جالعاستىرا وتىرىپ، قوعاممەن بىرگە بولۋعا ۇمتىلادى.