ەلىمىزدەگى ەكىنشى دەڭگەيلى بانكتەر سۋ تاسقىنىنان زارداپ شەككەن قازاقستاندىقتاردىڭ نەسيە بويىنشا بورىشىن وتەۋ مەرزىمىن 3 ايعا دەيىن كەيىنگە قالدىرۋعا ءازىر.
قارىزى بار ءتىزىمىن تۇرعىنداردىڭ ءتىزىمىن جەرگىلىكتى اكىمدىكتەر شىعارادى. بۇل تىزىمدەرگە كىرگەن ازاماتتارعا تولەمدى كەشىكتىرگەنى ءۇشىن ايىپپۇل مەن ءوسىمپۇل سالىنبايدى، دەپ حابارلايدى اlmaty-akshamy.kz قازاقستان قارجىگەرلەر قاۋىمداستىعىنا سىلتەمە جاساپ.
قازاقستان قارجىگەرلەر قاۋىمداستىعى بانكتەر سۋ تاسقىنىنان زارداپ شەككەندەر ساناتىنا جاتقىزىلعان جەكە جانە زاڭدى تۇلعالارعا نەسيە بويىنشا بورىشتارىن وتەۋ مەرزىمىن 2024 جىلدىڭ 1 ساۋىرىنەن 30 ماۋسىمىنا دەيىن كەيىنگە قالدىرۋعا دايىن ەكەنىن راستادى.
جاقىن ارادا بانكتەر ءوز سايتتارىندا جانە الەۋمەتتىك جەلىلەردە كەيىنگە قالدىرىلعان بورىشتى وتەۋ بويىنشا مەرزىمدى ۇزارتۋدى ۇسىنۋدىڭ ناقتى مەحانيزمدەرىن تۇسىنجىرەدى. سونداي-اق وتىنىمدەردى بەرۋ الگوريتمىن جانە ودان كەيىنگى ارەكەتتەردى جاريالايدى.
بۇگىن سۋ تاسقىنىنا قارسى شارالاردى ۇيلەستىرۋ جانە قارعىن سۋ ءجۇرۋ كەزەڭىنىڭ سالدارىن جويۋ جونىندەگى رەسپۋبليكالىق شتابتىڭ وتىرىسىندا مەملەكەت باسشىسى قاسىم-جومارت توقايەۆ سۋ تاسقىنىنان زارداپ شەككەندەرگە كومەك كورسەتۋ ءۇشىن ۇكىمەتتىڭ، اكىمدىكتەردىڭ جانە "قازاقستان حالقىنا" قورىنىڭ قارجىسىن پايدالانۋدى تاپسىردى.
ايتا كەتەيىك، "قازاقستان حالقىنا" قورى سۋ تاسقىنىنان زارداپ شەككەندەرگە 5 ملرد تەڭگە بولەدى. بۇل قاراجات ءۇي قۇرىلىسىنا جۇمسالادى.