بۇل تۋرالى ۇكىمەت وتىرىسىندا ءوڭىر اكىمى مارات احمەتجانوۆ باياندادى. ونىڭ ايتۋىنشا، اتالعان ءىس-شارالار اياسىندا حالىقتىڭ ۇسىنىستارى بەلسەندى تۇردە ەسكەرىلۋدە، بۇل جۇمىستىڭ تيىمدىلىگىن ارتتىرادى.
قوياندى، تالاپكەر، قاراوتكەل سياقتى ەلوردانىڭ ىرگەسىندەگى اۋىلداردا ەرىگەن سۋدى بۇرۋ ءۇشىن اينالما كانالداردىڭ قۇرىلىسى جۇزەگە اسىرىلۋدا. ەسىل جانە نۇرا وزەندەرىنىڭ جاعالاۋىن نىعايتۋ جانە كەڭەيتۋ جۇمىستارى اياقتالۋدا، اتباسار اۋدانىنداعى جاباي وزەنىنىڭ ءتۇبىن تەرەڭدەتۋ جۇمىسى جۇرگىزىلۋدە، مۇنداي جۇمىس كوكشەتاۋداعى قىلشاقتى وزەنىندە جۇزەگە اسىرىلۋدا.
وبلىس ورتالىعىندا ۇزىندىعى 3 كم قورعانىس بىلىگى قۇرىلىسى پايدالانۋعا بەرىلدى. سونىمەن قاتار «مىرزا-كولسار» بوگەتىن نىعايتۋ جۇمىستارى جۇرگىزىلۋدە. بۇلاندى اۋدانىنداعى بوگەتتى كۇردەلى جوندەۋ، شورتاندى جانە استراحان اۋداندارىنداعى بوگەتتەردى نىعايتۋ، ارشالى اۋداندارىنىڭ انار ستانساسىنداعى بوگەتتى قايتا جاڭارتۋ جالعاسۋدا.
سونداي-اق اتباساردا قورعانىس بىلىگىنىڭ شليۋزدەرىن ورناتۋ جۇرگىزىلۋدە، بۇل تاسقىن سۋلاردىڭ ءقاۋىپسىز ءوتۋىن قامتاماسىز ەتۋگە جانە 400-گە جۋىق ءۇيدى سۋ باسۋ ءقاۋپىن ازايتۋعا مۇمكىندىك بەرەدى.