سۋ تاسقىنىنا دايىندىق اياسىندا 239 شاقىرىم وزەن ارناسىن تازارتۋ، كەڭەيتۋ جانە ءتۇبىن تەرەڭدەتۋ جۇمىستارى جۇرگىزىلدى.
ونىڭ ىشىندە ەرتىس وزەنىنىڭ 27،4 شاقىرىمى، قيعاش وزەنىنىڭ 73،7 شاقىرىمى، نۇرانىڭ 1،1 شاقىرىمى، جايىقتىڭ 51،5 شاقىرىمى جانە جەم وزەنىنىڭ 85،5 شاقىرىمى تازارتىلدى، دەپ حابارلايدى aqshamnews.kz.
ەسكە سالساق، وتكەن جىلى سۋ رەسۋرستارى جانە يرريگاسيا مينيسترلىگى وزەن ۋچاسكەلەرىن ساناسيالاۋدىڭ كەشەندى جوسپارىن قابىلداعان بولاتىن. قۇجاتقا سايكەس، 2027 جىلعا دەيىن 10 وبلىستا جالپى ۇزىندىعى 815 شاقىرىم بولاتىن 51 وزەن ارناسىن جانە ءبىر كولدى تازارتۋ جۇمىستارى قاراستىرىلعان.
بۇدان بولەك، قازسۋشار كاسىپورنى ەلىمىزدىڭ ءبىرقاتار وڭىرىندە 1147 شاقىرىم كانالداردى مەحانيكالىق تازارتۋدان وتكىزىپ، 230 سۋ قۇرىلىسىن جوندەدى.
بىلتىر 36 جىلدا العاش رەت اقتوبە سۋ قويماسىنا كەشەندى رەكونسترۋكسيا جاسالدى. ال، باتىس قازاقستان وبلىسىنداعى كيروۆ سۋ قويماسى 58 جىلدا ءبىرىنشى رەت جوندەلدى.
«مەملەكەت باسشىسىنىڭ تاپسىرماسىنا سايكەس ەلىمىزدىڭ 10 وبلىسىندا جاڭادان كوممۋنالدىق مەنشىكتەگى گيدروتەحنيكالىق قۇرىلىسجايلاردى پايدالانۋعا جاۋاپتى مامانداندىرىلعان ۇيىمدار قۇرىلدى. ولاردىڭ بالانسىنا 809 نىسان قابىلداندى. 931 مامان جۇمىسقا الىنىپ، 203 ارنايى تەحنيكا بەرىلدى»،- دەدى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.