تاسقىننان زارداپ شەككەن ايماقتارعا كومەكتەسۋ ءۇشىن ءىرى كولەمدە قاراجات اۋدارىپ جاتقاندار از ەمەس.
ونىڭ قاتارىندا وتاندىق كومپانيالار، ونەركاسىپ ورىندارى مەن مەملەكەتتىك جانە جەكەلەگەن قورلار بار. ەكىنشى دەڭگەيلى بانكتەر مەن ءىرى كاسىپكەرلەر دە سۋ تاسقىنىنىڭ سالدارىن جويۋ ءۇشىن ميلليونداپ قارجى قاراجات اۋدارىپ جاتىر، دەپ حاباريلايدى Almaty-akshamy.kz.
اتاپ ايتقاندا قازاقمىس، KAZ Minerals، التىنالماس، قاراجىرا جانە RBK Bank كومپانيالارى 40 ميلليارد تەڭگە ءبولدى. بۇل قاراجات بالاباقشا، مەكتەپ، اۋرۋحانا جانە تۇرعىن ۇيلەردى سالۋعا جانە جوندەۋگە جۇمسالادى.
«قازاقستاندىقتار ءبىر كۇش بولىپ، سۋ تاسقىنىنان زارداپ شەككەن ايماقتارعا كومەكتەسىپ جاتقاننان كەيىن ءبىز دە كومپانيا بولىپ، سىرتتا، شەتتە قالا المادىق. سوندىقتان باسشىلىقتىڭ شەشىمىمەن 40 ملرد، ونىڭ الدىندا 800 ملن، گۋمانيتارلىق كومەك 2 فۋرا 200 توننا ىشىندە، اياق-كيىم، كيىم-كەشەك، ازىق-تۇلىك، باسقا دا كەرەكتى قۇرالدار جىبەرىلگەن بولاتىن»، - دەيدى «قازاقمىس» كورپوراسياسىنىڭ رەسمي وكىلى ارمان تىلەۋكەنوۆ،