تاشكەنت، وزبەكستان - وزبەكستان پرەزيدەنتى شاۆكات ميرزيويەۆتىڭ تاپسىرماسىنا سايكەس، قازاقستانداعى سۋ تاسقىنىنان زارداپ شەككەن حالىققا گۋمانيتارلىق كومەك جونەلتىلدى، دەپ حابارلايدى Almaty-akshamy.kz سايتى uza.uz اگەنتتىگىنە سىلتەمە جاساپ.
اگەنتتىكتىڭ مالىمەتىنشە، گۋمانيتارلىق جۇكتى قالىپتاستىرۋ جانە ونى بەلگىلەنگەن جەرگە جەتكىزۋ ۇيىمداستىرۋ ماسەلەلەرى مينيسترلەر كابينەتىنىڭ قاۋلىسىمەن رەتتەلگەن.
گۋمانيتارلىق كومەكتى قازاقستان رەسپۋبليكاسىنا وزبەكستان پرەزيدەنتىنىڭ كەڭەسشىسى تۇرسىنحان حۋدويبەرگەنوۆ باستاعان جۇمىس توبى جەتكىزەدى.
15 ءىرى جۇك كولىگىنە تيەلگەن گۋمانيتارلىق كومەكتىڭ قۇرامىندا ازىق-تۇلىك، ايەلدەر، بالالار جانە ەرلەردىڭ سىرتقى كيىمدەرى، كورپە-توسەك، جاستىق، گيگيەنالىق قۇرالدار، ارنايى جابدىقتالعان شاتىرلار، رەزەڭكە قايىق جيناقتارى جانە باسقا دا قاجەتتى تاۋارلار بار.
بۇل شارا ەكى ەل اراسىنداعى دوستىق پەن ىنتىماقتاستىقتى نىعايتاتىن ماڭىزدى قادام بولىپ تابىلادى.
ەستەرىڭىزگە سالا كەتەيىك، وسىعان دەيىن 15 جۇڭگو كومپانياسى ەلىمىزدەگى سۋ تاسقىنىنان زارداپ شەككەندەرگە 300 ملن تەڭگە جىبەرگەن ەدى.