ۇكىمەت وتىرىسىندا سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ سۋ تاسقىنى كەزىندە سۋ قويمالارىندا 12 ملرد م3 استام سۋ جيناقتالعانىن حابارلادى.
بۇل سۋ ءقازىر ەكونوميكا سالالارىنىڭ قاجەتتىلىگى ءۇشىن پايدالانىلادى. مىسالى، وتكەن جىلى بۇكىل سۋ تاسقىنى كەزەڭىندە سۋ قويمالارىنان جالپى سۋ اعىزۋ شامامەن 13 ملرد م3 قۇراسا، بيىل ءبىر ايدا 36 ملرد م3 استى، بۇل اعىمداعى سۋ تاسقىنىنىڭ اۋقىمىن كورسەتەدى.
«بۇل رەتتە، ءبىزدىڭ سۋ شارۋاشىلىعى قۇرىلىستارى شيەلەنىستى كەزەڭدە سۋدى قابىلداۋدى جانە ءقاۋىپسىز اعىزۋدى قامتاماسىز ەتتى، بۇل تاسقىن سۋلاردى سوڭعى جىلدارى تاپشى بولعان سۋ ايدىندارىنا جىبەرۋگە مۇمكىندىك بەردى»، — دەپ اتاپ ءوتتى نۇرجان نۇرجىگىتوۆ.
مينيسترلىكتىڭ مالىمەتىنشە، ءبىر استانا سۋ قويماسىن تاسقىن سۋلارمەن تولتىرۋ 2 ملرد تەڭگەدەن استام ۇنەمدەۋگە مۇمكىندىك بەردى، ويتكەنى ونى ق. ساتبايەۆ كانالى ارقىلى قوسىمشا تولتىرۋ قاجەتتىلىگى جويىلدى. سونداي-اق باتىس قازاقستان وبلىسىنىڭ قامىس-سامار كولدەرىنە 80 ملن م3 تاسقىن سۋ قۇيىلدى. ۇلىتاۋ وبلىسىنان قىزىلوردا وبلىسىنا 839 ملن م3 سۋ جىبەرىلدى. جىل باسىنان بەرى بالقاش كولىنە 12 ملرد م3 سۋ كەلدى. ➤ بيىلعى قىركۇيەك ايىنىڭ باسىنداعى جەدەل دەرەكتەرگە سايكەس، سۋ قويمالارىنان اۋىل شارۋاشىلىعىنىڭ قاجەتتىلىگىنە 8،4 ملرد م3 سۋ، ونەركاسىپكە – 3،7 ملرد م3 پايدالانىلدى. قازىرگى ۋاقىتتا قازاقستاننىڭ سولتۇستىك، ورتالىق، شىعىس جانە باتىس وڭىرلەرىنىڭ سۋ قويمالارى 80%-عا تولدى.