زارداپ شەگۋشى توتەنشە جاعداي بولعان ۋاقىتتان باستاپ 30 كۇن ىشىندە قۇجات جيناپ، ءوتىنىش بەرۋگە ءتيىس.
وتەماقى الۋ ءۇشىن تابيعي اپات بولعان جەردەگى جەرگىلىكتى اكىمدىككە حابارلاسۋ قاجەت، دەپ حابارلايدى Almaty-akshamy.kz
ەگەر اۆتوكولىك يەسى اتقارۋشى بيلىك ورگاندارىنا حابارلاسا الماسا، تۋىستارى نەمەسە تانىستارى ونىڭ ورنىنا قۇجات تاپسىرا الادى، تەك كولىك يەسى سەنىمحات بەرۋى كەرەك.
اكىمدىك ءوتىنىشتى 15 كۇن ىشىندە قاراپ، ودان كەيىن 10 جۇمىس كۇنىندە شىعىن كولەمىن انىقتاۋى قاجەت.
وتەماقى كولەمى اۆتوكولىكتى قايتا قالپىنا كەلتىرۋ شىعىنىنا سايكەس بولادى. ال ەگەر كولىك جوندەۋگە جاراماسا، نارىقتاعى قۇنى تولەنەدى.
اكىمدىك ءۇش كۇن ىشىندە وتەماقى تولەۋ بويىنشا شەشىم شىعارۋ كەرەك. كەيىنگى 30 كۇن ىشىندە زارداپ شەگۋشىنىڭ ەسەپشوتىنا وتەماقى تۇسەدى. ەگەر كورسەتىلگەن مەرزىمدە شوتقا اقشا تۇسپەسە، سوتقا جۇگىنۋگە بولادى.