سۋ تاسقىنى ءقاۋىپتى وڭىرلەردە اۆاريالىق-قۇتقارۋ جۇمىستارى، سۋ تاسقىنىنا قارسى ءىس-شارالار، سۋ تاسقىنى سالدارىن جويۋ جۇمىستارى جالعاسۋدا.
وسى ساعاتتا 21 494 ادام ءوز ۇيلەرىنە ورالدى. 8 786 ادام، ونىڭ ىشىندە 3 814 بالا ەۆاكۋاسيالاۋ پۋنكتتەرىندە.
سۋ تاسقىنى باستالعالى بەرى بارلىعى 118 507 ادام، ونىڭ ىشىندە 44 407 بالا قۇتقارىلىپ، ەۆاكۋاسيالاندى، دەپ حابارلايدى Almaty-akshamy.kz ق ر توتەنشە جاعدايلار مينيسترلىگىنە سىلتەمە جاساپ.
ەلىمىزدىڭ ورتالىق جانە سولتۇستىك وڭىرلەرىندە سۋ تاسقىنى جاعدايى تۇراقتالۋىنا بايلانىستى سۋ تاسقىنى ءقاۋىپتى وڭىرلەرگە جۇمىلدىرىلعان تجم كۇشتەرى مەن قۇرالدارىنىڭ ءبىر بولىگى تۇراقتى ورنالاسۋ ورىندارىنا ورالۋدا. رەسەي فەدەراسياسى جاعىنان جايىق جانە ەسىل وزەندەرىنىڭ ارنالارىندا سۋدىڭ كوتەرىلۋ بولجامىنا بايلانىستى باتىس قازاقستان جانە سولتۇستىك قازاقستان وبلىستارى ەرەكشە باقىلاۋدا.
4 534 تۇرعىن ءۇي مەن 2 763 اۋلا اۋماعىنان سۋدىڭ باعىتى بۇرىلدى. 10،9 ملن استام تەكشە مەتر ەرىگەن قار سۋى سورىپ شىعارىلدى، 3،7 ملن قاپشىق جانە 1،4 ملن استام توننا ينەرتتى ماتەريال توسەلدى.
اقتوبە، قوستاناي، اقمولا، اتىراۋ، سولتۇستىك قازاقستان وبلىستارىندا 5 862 جەكە تۇرعىن ءۇي، 1 065 اۋلا اۋماعى سۋ استىندا قالۋدا.
تجم اپاتتار مەديسيناسى ورتالىعىنىڭ جانە تجد پسيحولوگتارى سۋ تاسقىنى ءقاۋپى بار وڭىرلەردىڭ تۇرعىندارىنا شۇعىل پسيحولوگيالىق جانە اقپاراتتىق كومەك كورسەتۋ ماقساتىندا تاۋلىك بويى كەزەكشىلىكتى جالعاستىرۋدا. جەدەل جەلى تەلەفونىنا 2 036 قوڭىراۋ ءتۇستى. تجم اپاتتار مەديسيناسى ورتالىعىنىڭ مەديسينالىق بريگادالارى تۇرعىندارعا قاجەتتى كومەك كورسەتۋدە.
زارداپ شەككەن وڭىرلەرگە تەمىرجول، اۆتوموبيل كولىكتەرىمەن جانە اۋە كەمەلەرىمەن 5 029 توننا گۋمانيتارلىق كومەك جەتكىزىلدى.
سۋ جۇرگەن 40 اۆتوجول، سۋ شايعان 61 اۆتوجول، ونىڭ ىشىندە 10 كوپىر جانە 51 جول توسەمى باقىلاۋدا قالۋدا. 44 ەلدى مەكەن كولىك قاتىناسىنسىز قالۋدا، ولارعا قاجەتتى ازىق-تۇلىك جانە دارى-دارمەك قورلارى قۇرىلدى.
اۆاريالىق-قۇتقارۋ جانە سۋ تاسقىنىنا قارسى جۇمىستارعا ازاماتتىق قورعاۋ قىزمەتتەرىنەن 31 942 ادام، 4 593 تەحنيكا، 797 سۋ سورۋ قۇرالى، 325 ءجۇزۋ قۇرالى،14 اۋە كەمەسى جۇمىلدىرىلدى.