ءىس-شارا 2024 جىلدىڭ 26 ساۋىرىندە بولادى. اتالمىش كەڭەس قازاقستان رەسپۋبليكاسىنىڭ شانحاي ىنتىماقتاستىق ۇيىمىنا ءتوراعالىعى شەڭبەرىندە ۇيىمداستىرىلىپ وتىر.
كەڭەس قىزمەتى اسكەري سالاداعى سەنىم شارالارىن نىعايتۋعا، جاۋاپكەرشىلىك ايماعىندا بەيبىتشىلىك پەن تۇراقتىلىقتى قامتاماسىز ەتۋگە جاردەمدەسۋگە، وڭىرلىك قاۋىپسىزدىكتىڭ جاڭا سىن-تەگەۋرىندەرى مەن قاۋىپ-قاتەرلەرىنە قارسى تۇرۋعا باعىتتالعان كۇش-جىگەردى ۇيلەستىرۋگە باعىتتالعان، دەپ حابارلايدى Almaty-akshamy.kz قورعانىس مينيسترلىگىنە سىلتەمە جاساپ.
وعان شانحاي ىنتىماقتاستىق ۇيىمىنا مۇشە مەملەكەتتەر قورعانىس ۆەدومستۆولارىنىڭ باسشىلارى، ونىڭ باس حاتشىسى، ۇيىمنىڭ وڭىرلىك تەرروريزمگە قارسى قۇرىلىمى اتقارۋشى كوميتەتىنىڭ ديرەكتورى جانە بەلارۋس رەسپۋبليكاسىنىڭ قورعانىس ءمينيسترى كەلەدى دەپ كۇتىلۋدە.