اتىراۋ وبلىسىندا جايىق وزەنىنىڭ بويىندا ۇزىندىعى 346،2 كم بوگەن سالىندى. بۇل سۋ تاسقىنىنا قارسى ءۇيىندى بوگەندەر جايىق وزەنىنىڭ ارناسىنان شىعۋىن تەجەيدى جانە سۋدىڭ كاسپيي تەڭىزىنە ءقاۋىپسىز وتۋىنە مۇمكىندىك بەرەدى. بۇگىنگى كۇنى سۋدى وتكىزۋ، الدىن الۋ شارالارىن جۇرگىزۋ ءۇشىن 37 ەلدى مەكەندە تاۋلىك بويى كەزەكشىلىك ۇيىمداستىرىلدى. قۇرمانعازى اۋدانىندا 1 كم بوگەن سالۋ قالدى. سالىنعان بوگەندەردى قوسىمشا نىعايتۋ جۇمىستارى جۇرگىزىلۋدە، جۇمىستار جالعاستىرىلۋدا. جايىق وزەنىنىڭ سۋ دەڭگەيىنە مونيتورنينگ جۇرگىزىلۋدە، ونىڭ بىرتىندەپ كوتەرىلىپ جاتقانى بايقالادى. جايىق-يندەربور جانە جايىق-ماحامبەت سۋ بەكەتتەرىندەگى سۋ دەڭگەيى شەكتىك بەلگىدلەن اسىپ ءتۇستى. جاعداي باقىلاۋدا. قۇلسارى قالاسىندا سۋ باسقان ۇيلەردەن سۋ سورۋ جۇمىستارى جالعاستىرىلۋدا. وتكەن تاۋلىكتە 66 044 تەكشە مەتر سۋ سورىلدى.
وتكەن تاۋلىكتە سولتۇستىك قازاقستان وبلىسىنىڭ پەتروپاۆل قالاسى مەن قىزىلجار اۋدانىندا 333 070 تەكشە مەتر ەرىگەن قار سۋى سورلىپ، 165 تۇرعىن ۇيدەن سۋدىڭ باعىتى بۇرىلىپ، سۋ سورىلدى، 111 قۇرعاتىلعان ۇيدە دەزەنفەكسيالىق جۇمىستار جۇرگىزىلدى. پەتروپاۆل قالاسىنىڭ بوركي كەنتى مەن كارەرنايا كوشەسىندە سۋ باسقان ۇيلەر جوق. كۇن سايىنعى اەروۆيزۋالدى تەكسەرۋ جانە قۇرعاتىلعان اۋماقتى دەزەنفەكسيالاۋ جۇمىستارى جالعاستىرىلۋدا.
اقتوبە وبلىسىنىڭ ىرعىز اۋدانىندا بوگەتتەردى نىعايتۋ جۇمىستارى جانە تورعاي وزەنى سۋ دەڭگەيىنە مونيتورينگ جالعاستىرىلۋدا. وتكەن تاۋلىكتە قۇيلىس جانە جايساڭباي اۋىلدارىندا 3 200 قاپشىق پەن 217 توننا ينەرتتى ماتەريال توسەلدى، ۇزىندىعى 640 مەتر سالىنعان بوگەندەر نىعايتىلۋدا.
رەسپۋبليكا بويىنشا 18،5 ملن ەرىگەن قار سۋى سورلىپ، 11 134 تۇرعىن ءۇي مەن 3 350 اۋلا اۋماعىنان سۋدىڭ باعىتى بۇرىلدى. 54 755 ادام ءوز ۇيلەرىنە ورالدى. 5 291 ادام ۋاقىتشا ورنالاسۋ پۋنكتتەرىندە قالۋدا.
اۆاريالىق-قۇتقارۋ جانە سۋ تاسقىنىنا قارسى جۇمىستارعا 7 537 ادام، 997 تەحنيكا، 297 سۋ سورۋ قۇرالى جانە 55 ءجۇزۋ قۇرالى، 6 اۋە كەمەسى جۇمىلدىرىلدى.