شىمكەنت قالاسىندا، ماڭعىستاۋ، تۇركىستان، اقتوبە، قىزىلوردا وبلىستارىنان كەلگەن تجم قۇتقارۋشىلارىنىڭ ءبىر بولىگى جۇمىستار تولىق اياقتالعانعا دەيىن اتىراۋ وبلىسىندا قالادى.
سولتۇستىك قازاقستان وبلىسىندا سۋ باسقان اۋلا اۋماقتارىنان سۋىن سورۋ جۇمىستارى اياقتالدى. 13 ساياجاي ۇيدەن ەرىگەن قار سۋىن سورۋ جۇمىستارى جالعاسۋدا. تجم 52859 اسكەري ءبولىمىنىڭ رادياسيالىق، حيميالىق جانە بيولوگيالىق قورعاۋ بولىمشەلەرى جانە جەرگىلىكتى اتقارۋشى ورگاندار قۇرعاتىلعان 127 ۇيدە دەزينفەكسيالىق جۇمىستار جۇرگىزدى.
باتىس قازاقستان وبلىسىنىڭ ورال قالاسىندا 17 ۋچاسكەدە قۋاتتى جىلجىمالى جانە تىركەمەلى سورعى ستانسيالارىنىڭ كومەگىمەن ساياجاي ۇيلەرىنەن ەرىگەن قار سۋىن سورۋ جۇمىستارى تاۋلىك بويى جۇرگىزىلۋدە. تجم 20942 اسكەري ءبولىمىنىڭ رادياسيالىق، حيميالىق جانە بيولوگيالىق قورعاۋ بولىمشەلەرى جانە جەرگىلىكتى اتقارۋشى ورگاندار قۇرعاتىلعان ۇيلەردە دەزينفەكسيالىق جۇمىستار جۇرگىزدى.
اقتوبە وبلىسى ىرعىز اۋدانىنىڭ مامىر، بەلشەر جانە نۇرا اۋىلدارىندا 85 جەكە تۇرعىن ءۇي مەن 42 اۋلا اۋماعى سۋ استىندا قالۋدا. وتكەن اپتادا 37 جەكە تۇرعىن ءۇي مەن 2 اۋلا اۋماعىنان سۋدىڭ باعىتى بۇرىلدى. تجم 20942 اسكەري ءبولىمىنىڭ اسكەري قىزمەتشىلەرى قۇيلىس جانە جايساڭباي اۋىلدارىندا بوگەتتەردى نىعايتۋ جۇمىستارىن جۇرگىزدى.
اتىراۋ وبلىسى جىلىوي اۋدانىنىڭ قۇلسارى قالاسىندا 10 جەكە تۇرعىن ۇيدەن ەرىگەن قار سۋىن سورۋ جۇمىستارى جالعاسۋدا. وتكەن اپتادا 4 جەكە تۇرعىن ۇيدەن سۋدىڭ باعىتى بۇرىلدى. قۇرعاتىلعان ۇيلەردە دەزينفەكسيالىق جۇمىستار جۇرگىزىلۋدى. ءقاۋىپتى ۋچاسكەلەردە بوگەتتەردى نىعايتۋ جۇمىستارى جالعاستىرىلۋدا. جايىق وزەنىنىڭ سۋ دەڭگەيىنە مونيتورينگ جۇرگىزىلۋدە. وتكەن تاۋلىكتە سۋدىڭ دەڭگەيى تومەندەگەنى بايقالادى.
رەسپۋبليكا بويىنشا ەۆاكۋاسيالانعان 64 653 ادام ءوز ۇيلەرىنە ورالدى. 4 645 ادام ۋاقىتشا ورنالاسۋ پۋنكتتەرىندە قالۋدا. 11 881 جەكە تۇرعىن ءۇي مەن 3 644 اۋلا اۋماعىنان سۋدىڭ باعىتى بۇرىلدى. 29،1 ملن ارتىق ەرىگەن قار سۋى سۋ سورىلدى، 8،1 ملن ارتىق قاپشىق جانە 1،5 ملن توننا ينەرتتى ماتەريال توسەلدى.
اۆاريالىق-قۇتقارۋ جانە سۋ تاسقىنىنا قارسى جۇمىستارعا 2 028 ادام، 434 تەحنيكا، 97 سۋ سورۋ قۇرالى جانە 36 ءجۇزۋ قۇرالى جۇمىلدىرىلدى.