جۇرگىزىلگەن ەسەپتەۋلەرگە سايكەس، اتوم ەلەكتر ستانسياسىنىڭ قاجەتتىلىگى ءۇشىن سۋ تۇتىنۋ كولەمى بالقاش كولىنىڭ دەڭگەيىنە ايتارلىقتاي اسەر ەتپەيدى.
بۇل تۋرالى قازاقستاننىڭ سۋ سەكتورىن دامىتۋ جونىندە ارىپتەستەردىڭ ۇيلەستىرۋ كەڭەسىنىڭ وتىرىسىندا سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ مالىمدەدى، دەپ حابارلايدى aqshamnews.kz.
«سالقىنداتۋ ءۇشىن ءبىر سۋ بىرنەشە مارتە پايدالانىلادى. سونىمەن قاتار، پايدالانىلعان سۋ باسقا سۋ نىساندارىنا جىبەرىلمەيدى. ءبىزدىڭ مينيسترلىك كول دەڭگەيى مەن اتوم ەلەكتر ستانسياسىنىڭ سۋ تۇتىنۋ كولەمىن تۇراقتى مونيتورينگىن جۇرگىزەتىن بولادى. ونىڭ ىشىندە سۋ رەسۋرستارى اقپاراتتىق-تالداۋ ورتالىعىندا دەرەكتەردى جيناۋ جانە ەسەپكە الۋ قۇرالدارىن ەنگىزۋ ارقىلى دا ەسەپ جۇرگىزەتىن بولادى»، - دەدى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.
ەستەرىڭىزگە سالا كەتەيىك، جىل باسىنان بەرى بالقاش كولىنە 12 ملرد تەكشە مەتردەن استام سۋ جىبەرىلدى. بۇل قالىپتى دەڭگەيدى ۇستاپ تۇرۋ ءۇشىن جەتكىلىكتى كولەم بولىپ تابىلادى.