جاۋىن-شاشىن بولعان كەزدەردە قالادا سۋ جينالىپ، قالا تۇرعىندارىنىڭ ءجۇرىپ-تۇرۋىنا مۇمكىندىك بولماي قالاتىن كەزدەر بولعان.
مەگاپوليس اكىمدىگى وسىناۋ ماسەلەنىڭ سالدارىن زەرتتەپ، كەلەلى جۇمىستاردى قولعا الدى. بۇگىنگى تاڭدا تۇركسىب اۋدانىندا 1،7 شاقىرىم ارىق جەلىلەرىن سالۋ جانە كوللەكتوردى تازارتۋ ارقىلى ۇنەمى سۋ باساتىن 10 ورىن جويىلدى، دەپ حابارلايدى Almaty-akshamy.kz.
ەكولوگيا باسقارماسى 57 ۋچاسكەدە 41 شاقىرىم ارىق جەلىسىن سالۋ جۇمىستارىن جالعاستىرۋدا. ونىڭ ىشىندە بۇگىنگى كۇنى 16 ۋچاسكەدە 6،9 شاقىرىمنان استام ارىق جەلىسى سالىندى. ال بيىلعى جىلدىڭ سوڭىنا دەيىن 6 ۋچاسكەدە تاعى 2 شاقىرىم جەلى سالىنادى. جالپى ۇزىندىعى 32،1 شاقىرىم قالعان ۋچاسكەلەر بويىنشا جۇمىستار جالعاسىپ، 2024 جىلى اياقتالادى، دەدى ەربولات دوسايەۆ تۇركسىب اۋدانى تۇرعىندارىمەن كەزدەسۋىندە.