پورتۋگاليانىڭ البۋفەيرە قالاسىنىڭ جاعالاۋىنىڭ ماڭىندا جاڭا سۋ استى كوركەم سۋرەت جارمەڭكەسى وتۋدە، - دەپ حابارلايدى اlmaty-akshamy.kz Breaking Travel News باسىلىمىنا سىلتەمە جاساپ.
EDP Art Reef پورتۋگاليالىق گراففيتي جانە كوشە سۋرەتشىسى، Vhils لاقاپ اتىمەن تانىمال الەكساندر فارتو جاساعان ەلدەگى وسى تەكتەس العاشقى جوبا. ەلەكتروستانسيانىڭ ەسكىرگەن قالدىقىقتارىنان جاسالعان 13 تۋىندىنى دايۆەرلەر 10 مەتر تەرەڭدىكتە تاماشالاي الادى.
تەمىر مەن بەتوننان جاسالعان تۋىندىلار جاعالاۋدان ءبىر ميل قاشىقتىقتا، 12 مەتر تەرەڭدىكتەگى 1250 شارشى مەتر جەرگە ورنالاستىرىلعان. ال ونداعى ەڭ بيىك ءمۇسىن 5،3 مەتر.
"ادامداردىڭ تەڭىزبەن قارىم-قاتىناسىنىڭ ءتۇرلى تاريحىن تابۋعا تىرىستىم، امان قالۋ، قاقتىعىسۋ مەن قىسىلتاياڭ وقيعالاردى. ءبىزدىڭ تاريح تەڭىزبەن بايلانىسقان تۇستاردى"، - دەيدى Vhils.
بۇل سۋرەتشىنىڭ "ءوزىن سىناپ كورگەن ەڭ اۋىر" ەڭبەگى بولدى. بۇل ءۇشىن ول ۇلكەن كوماندانى جۇمىلدىردى جانە جۇمىستاردىڭ ءبارى تەڭىز تۇبىندە - ۇنەمى قوزعالىس ورنىندا جاسالعان.
2008 جىلى كوشە ونەرىنىڭ ەڭ اتاقتى وكىلدەرىنىڭ ءبىرى بەنكسي Vhils لاقاپ اتىمەن بەلگىلى الەكساندر فارتونى لوندونداعى The Cans Festival كورمەسىنە شاقىرادى، وسى كەزدە پورتۋگاليالىق ءوزىن تانىتۋعا ۇلكەن مۇمكىندىك العان ەكەن.
تەحنيكتىڭ قاداعالاۋىمەن، ساقتاندىرۋى مەن جاۋاپكەرشىلىكتەن باس تارتۋ تۋرالى حاتى بار كەز كەلگەن ادام Art Reef by Vhils كورمەسىن تاماشالاي الادى.