ستۋدەنتتەرگە ارنالعان ءبىرىڭعاي ءبىلىم شوتى پايدا بولادى

عىلىم جانە جوعارى ءبىلىم مينيسترلىگى «كەلەشەك» ءبىرىڭعاي ءبىلىم شوتىن اشۋدى جوسپارلاۋدا.

2025 جىلعا دەيىن ءبىلىم بەرۋ گرانتتارىنىڭ سانى 10 پايىزعا كوبەيەدى. ناتيجەسىندە تەستىلەۋدەن سۇرىنبەگەن 100 مىڭنان استام ابيتۋريەنت تەگىن جوعارعى ءبىلىم الا الادى، دەپ حابارلايدى Almaty-akshamy.kz inbusiness.kz سىلتەمە جاساپ.

ءبىراق الداعى ەكى جىل ىشىندە ستۋدەنتتەر سانى 1 ميلليونعا جەتەدى دەگەن بولجامدى ەسكەرسەك، گرانت سانىن بۇلايشا كوبەيتۋ تەڭىزگە تامشى قۇيعانمەن تەڭ.

سوندىقتان عىلىم جانە جوعارى ءبىلىم مينيسترلىگى «كەلەشەك» ءبىرىڭعاي ءبىلىم شوتىن اشۋدى جوسپارلاۋدا.

اتا-انالار بالاسى مەكتەپ تابالدىرىعان اتتاعان ۋاقىتتان باستاپ شوتقا اي سايىن 1 ايلىق ەسەپتىك كورسەتكىش كولەمىندە تولەم سالىپ وتىرادى. گرانتقا ىلىكپەگەن جاعدايدا، تالاپكەر جينالعان قارجىعا وقي الادى. 

«بارعان سايىن جوعارى ءبىلىمنىڭ قولجەتىمدىلىگى تومەندەپ بارادى. گرانت سانىن ءوسىرۋ ماسەلەنى شەشپەيدى. سوندىقتان ەل ازاماتتارى ءوز ۇلەسىن قوسا الاتىنداي ءبىرىڭعاي جيناق جۇيەسىن جاساماقپىز. اتا-انا ەرىكتى تۇردە بالاسىنىڭ شوتىنا تولەم اۋدارىپ وتىرادى، جالاقىسىنان ۇستالۋى مۇمكىن. ال مەملەكەتتەن سىياقى بولىنەدى. ءقازىر قاجەتتى ەسەپتەۋلەردى جۇرگىزىپ، ۇكىمەتكە ۇسىنباقپىز. ماقۇلدانسا، الداعى 18 جىل بويىنا مەملەكەتتىك بيۋدجەتتەن 15 تريلليون تەڭگەنى ۇنەمدەپ قالامىز»، - دەيدى ق ر عىلىم جانە جوعارى ءبىلىم ءمينيسترى ساياسات نۇربەك.