قازاقستاندا قاسقىر اتۋ تالاپتارىنا وزگەرىستەر ەنگىزىلدى.
قازاقستاندا قاسقىرلاردى اتۋ تالاپتارى بويىنشا بۇيرىق قابىلداندى، دەپ حابارلايدى Almaty-akshamy.kz ورمان شارۋاشىلىعى جانە جانۋارلار دۇنيەسى كوميتەتىنە سىلتەمە جاساپ.
«قازىرگى تاڭدا قاسقىرلارعا رەتتەۋدى جۇرگىزۋ، ولاردىڭ سانى تۋرالى دەرەكتەردىڭ تولىق بولماۋىنا نەگىزدەلۋىنە بايلانىستى ەكوجۇيەگە نۇقسان كەلتىرىلۋدە، سونداي-اق اۋىل شارۋاشىلىعىنا نۇقسان كەلۋ ءقاۋپى تومەندەگەن جوق. قاسقىر، باسقا دا اڭ تۇرلەرى سياقتى اڭشىلىق وبەكتىسى بولىپ تابىلادى. قاسقىر سانىن اۋماقتىق ينسپەكسيالار ەسەپتەيدى. قاسقىرلاردىڭ ءۇي جانۋارلارىنا شابۋى جاعدايىندا اڭشىلىق مەرزىمىنەن تىس رەتتەۋ مۇمكىنشىلىگىن ساقتاي وتىرىپ ليميت جانە كۆوتالار ءبولىنۋى ءتيىس. وسىعان بايلانىستى، قاسقىردى اڭشىلىق تۇرلەر ساناتىنا اۋىستىرۋ بويىنشا شەشىم قابىلداندى»، - دەلىنگەن كوميتەت حابارلاماسىندا.
قاسقىردى اڭشىلىق تۇرلەر ساناتىنا اۋىستىرۋ ءتيىستى مەملەكەتتىك مەكەمەلەرمەن كەلىسىلە وتىرىپ قابىلداندى.