قازاقستاندا ستۋدەنتتەر مەن ماگيسترانتتاردىڭ ستيپەنديا مولشەرى بەلگىلى بولدى، دەپ حابارلايدى aqshamnews.kz
2023 جىلدىڭ 1 قىركۇيەگىنەن باستاپ قازاقستاندا ستۋدەنتتەر، ماگيسترانتتار جانە دوكتورانتتار ءۇشىن ستيپەنديا مولشەرى قايتا قارالدى. جاڭا مولشەرلەمەلەر كەلەسىدەي:
- دوكتورانتتار – 262 500 تەڭگە؛
- ماگيسترانتتار – 117 098 تەڭگە؛
- پەداگوگيكالىق جانە مەديسينالىق باعىتتاعى ستۋدەنتتەر – 84 000 تەڭگە؛
- باسقا ماماندىقتار بويىنشا ستۋدەنتتەر – 52 372 تەڭگە؛
- تەحنيكالىق جانە كاسىپتىك ءبىلىم بەرۋ سالاسىنداعى جۇمىسشى بىلىكتىلىكتەرى بويىنشا وقيتىندار – 41 896 تەڭگە.
ستيپەنديالار ستۋدەنتتەردىڭ ەكىنشى دەڭگەيلى بانكتەردەگى جەكە شوتتارىنا نەمەسە ۇلتتىق پوشتا وپەراتورى ارقىلى اۋدارىلاتىن بولادى.
بۇل جاڭالىق ءبىلىم الۋشىلاردىڭ قارجىلىق قولداۋىن جاقسارتۋ ماقساتىندا جاسالعان ماڭىزدى قادامداردىڭ ءبىرى بولىپ تابىلادى.