تۋرنير بولگاريادا ءوتىپ جاتىر
كىشى الەم چەمپيوناتى اتانىپ كەتكەن بولگاريا استاناسىندا ءوتىپ جاتقان ستراندج كۋبوگى تۋرنيرىندە ەرلەر اراسىنداعى فينالعا شىققان بوكسشىلار بەلگىلى بولدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
اتالعان تۋرنيردە قازاقستان قۇراماسىنان ءتورت بوكسشى فينالعا شىقتى.
ەستەرىڭىزگە سالا كەتەيىك، وسىعان دەيىن اتالعان تۋرنيردە ايەلدەر اراسىنان دا فينالعا ءتورت بوكسشى شىققانىن جازعان بولاتىنبىز.
وسىلايشا بولگاريا تورىندە جالپى 8 قازاقستاندىق بوكسشى التىن مەدال ءۇشىن رينگكە شىعادى.
اتاپ ايتساق، قازاقستان ساپىنان دامير ءابدىقادىر (51 كەلى)، ماحمۇد سابىرحان (54 كەلى)، دۋلات بەكباۋوۆ (67 كەلى) جانە ساعىندىق توعامباي (86 كەلى) فينالدا جۇدىرىقتاسۋعا مۇمكىندىك السا، بەس بوكسشىمىز جارتىلاي فينالدا قارسىلاستارىنا جول بەرىپ، ءتۋرنيردى قولا مەدالمەن اياقتادى.
ستراندج كۋبوگى:
قازاقستاندىق سپورتشىلاردىڭ فينالداعى قارسىلاستارى:
51 كەلى
دامير ءابدىقادير (قازاقستان) - حاسانبوي دۋسماتوۆ (وزبەكستان)
54 كەلى
ماحمۋد سابىرحان (قازاقستان) - ياسەن راديەۆ (بولگاريا)
67 كەلى
دۋلات بەكباۋوۆ (قازاقستان) - نيكولاي تەرتەريان (دانيا)
86 كەلى
ساعىندىق توعامباي (قازاقستان) - سەرگەي گورشكوۆ (ۋكراينا)
ايتا كەتەيىك، فينالعا وزبەكستاننان 6 بوكسشى، بولگاريا ەلىنەن بەس بوكسشى شىقسا، قازاقستان قۇراماسىنان اقتىق سىنعا ءتورت بوكسشى شىقتى.