ءبىر ايدىڭ وزىندە اۆتوبۋس جۇرگىزۋشىلەرىنىڭ كىناسىنەن 35 جول-كولىك وقيعاسى ورىن الدى
الماتىدا جولاۋشىلار تاسىمالىمەن اينالىساتىن كولىكتەر تەكسەرىلۋدە، – دەپ حابارلايدى Almaty-akshamy.kz Polisia.kz-كە سىلتەمە جاساپ.
«اۆتوبۋس» جەدەل-الدىن الۋ ءىس-شاراسى اياسىندا جولاۋشىلار تاسىمالىمەن اينالىساتىن اۆتوكولىك كاسىپورىندارىن شاھاردىڭ جول جاعدايىندا اۆتوبۋستاردىڭ تەحنيكالىق جاعدايىنا، دۇرىس جۇمىس ىستەۋىنە مۇقيات تەكسەرۋ ۇيىمداستىرىلدى.
«وسىلايشا، ءبىز اۆتوموبيل كولىگىندە جولاۋشىلار مەن جۇكتى تاسىمالدايتىن جۇرگىزۋشىلەردىڭ كولىك جانە ەڭبەك ءتارتىبىن جاقسارتۋ، تەحنيكالىق اقاۋى بار نەمەسە قايتا جابدىقتالعان جولاۋشىلار كولىگىن پايدالانۋ دەرەكتەرىن الدىن الۋ، سونداي-اق، زاڭسىز جولاۋشىلار تاسىمالىنىڭ جولىن كەسۋ ماقساتىن كوزدەپ وتىرمىز. بۇل جۇمىسقا مۇددەلى مەملەكەتتىك ورگانداردىڭ دا، ازاماتتىق اليانستىڭ وكىلدەرى دە بارىنشا جۇمىلدىرىلعان»، – دەدى الماتى قالالىق پد اكىمشىلىك پوليسيا باسقارماسىنىڭ باستىعى نۇرلان امانبەك.
پوليسيادا قابىلدانعان شارالارعا قاراماستان، اۆتوبۋس جۇرگىزۋشىلەرى جول قوزعالىسى ەرەجەلەرىن ورەسكەل بۇزىپ، جول-كولىك وقيعالارىنا جول بەرىپ جاتقانىن اتاپ ءوتتى. ءبىر ايدىڭ وزىندە اۆتوبۋس جۇرگىزۋشىلەرىنىڭ كىناسىنەن 35 جول-كولىك وقيعاسى ورىن الدى، سونىڭ سالدارىنان 2 ادام قازا تاۋىپ، تاعى 38 ادام جاراقات العان.
«بۇگىندە الماتىدا جولاۋشىلار تاسىمالىمەن اينالىساتىن قالالىق اۆتوكولىك كاسىپورىندارىنىڭ سانى ايتارلىقتاي قىسقارعانىن ايتا كەتكەن ءجون. الايدا ولاردىڭ باسشىلارى تاراپىنان جول قاۋىپسىزدىگىن قامتاماسىز ەتۋ بويىنشا ءتيىستى شارالار قابىلدانباي وتىر، سونداي-اق قازاقستاننىڭ باسقا ايماقتارىنان كولىك اعىنى جوعارى جاعدايدا جۇرۋگە بەيىمدەلمەگەن، توتەنشە جاعدايلار تۋعىزاتىن، اۋىر زارداپتارمەن جول-كولىك وقيعالارىن جاسايتىن اۆتوبۋس جۇرگىزۋشىلەرىن تارتادى. وسىعان بايلانىستى، جۇرگىزۋشى قۇرامىنىڭ كولىكتىك ءتارتىبىن ءتيىستى باقىلاۋدا ۇستاماعانى ءۇشىن 4 لاۋازىمدى تۇلعا اكىمشىلىك جاۋاپكەرشىلىككە تارتىلدى»، — دەدى ن. امانبەك.
قازىرگى ۋاقىتتا قالا سىرتىنداعى جولداردا، سونداي-اق قالالار مەن ەلدى مەكەندەردە پاترۋلدىك پوليسيا ناريادتارىنىڭ تىعىزدىعى ارتتى. پروفيلاكتيكالىق جانە رەيدتىك ءىس-شارالار جالعاسۋدا.