الەۋمەتتىك جەلىلەردە Air Astana اۋەكومپانياسىندا ستيۋاردەسسا بولىپ جۇمىس ىستەيتىن بويجەتكەن تۋرالى ۆيدەوروليك تارادى. ول سۇيىكتى جۇمىسىنا 10 جىلىن ارناعان، - دەپ حابارلايدى اlmaty-akshamy.kz.
ايجان ەسىمدى ستيۋاردەسسا ءوزىنىڭ TikTok-تاعى پاراقشاسىندا 2015 جىلدان بەرگى جۇمىسى تۋرالى ۆيدەو جاريالادى. ول بىردەن الەۋمەتتىك جەلى قولدانۋشىلارىنىڭ نازارىنا ءىلىندى.
Air Astana باسپا ءسوز قىزمەتى ايجاننىڭ كومپانيادا 2015 جىلدان بەرى جۇمىس ىستەپ كەلە جاتقانىن راستادى. ايتۋىنشا، ول وسكەمەن قالاسىندا دۇنيەگە كەلگەن.
"باستاپقىدا كەلىسىمشارتقا سايكەس تەك ءۇش جىل جۇمىس ىستەۋدى جوسپارلاعان ەدىم. الايدا ءىس جۇزىندە ءبارى مۇلدەم باسقاشا بولىپ كەتتى. العاش رەت جۇمىسقا كىرىسكەنىمدە مەنىڭ مەنەدجەرىم: "اۆياسيا ەلىكتىرىپ اكەتەدى. وسىندا ءبىر رەت كەلگەننەن كەيىن، كەتكىڭىز كەلمەيدى. اۆياسيا - بۇل كوپتەگەن جىلعا جالعاساتىن ماحاببات" دەپ ايتقان ەدى. ول كەزدە بۇل ءسوزدىڭ ماعىناسىن تەرەڭىنەن تۇسىنبەدىم. ءبىراق ءقازىر تولىق كەلىسەمىن"، - دەدى ايجان.
بويجەتكەن جۇمىس بارىسىندا ەڭ قيىنى - ەرتە تۇرۋ، ۇيقىسىز تۇندەردى باسىنان وتكەرۋ جانە باسقا ەلدەردەگى ۇلكەن ۋاقىت ايىرماشىلىعى ەكەنىن اتاپ ءوتتى.
"كومپانيادا 10 جىلدان اسا ۋاقىت جۇمىس ىستەگەننەن كەيىن قىزمەتكەر باسشىلىقتان قول ساعاتى تۇرىندە بونۋس الادى" دەسەدى. شىنىمەن دە سولاي ەكەن.
"كومپانيا "پرەزيدەنتپەن تاڭعى اس" ۇيىمداستىرادى. وندا كومپانيا پرەزيدەنتى ساعاتتاردى جەكە جەكە تاپسىرادى"، - دەدى ول.
كومپانيانىڭ مالىمەتىنشە، ستيۋاردەسسالار 61 جاسقا دەيىن جۇمىس ىستەي الادى ەكەن. ماسەلەن Air Astana اۋەكومپانياسىندا 10 جىلدان اسا تاجىريبەسى بار 499 ستيۋاردەسسا بار.