ستەپنوگورسكىدە بالالاردىڭ كوزىنشە توبەلەسكەن باپكەرلەر جازاعا تارتىلدى، - دەپ حابارلايدى aqshamnews.kz ءتىلشىسى.
وقيعا بالالار اراسىنداعى گرەپپلينگ ءتۋرنيرى كەزىندە بولعان.
جەلىدە تاراعان بەينەجازبادا بىرنەشە ەر ادامنىڭ سوزگە كەلىپ، ءبىر-بىرىن يتەرىپ جاتقانى كورىنەدى. ولاردى اجىراتۋعا اتا-انالار مەن تۋرنيرگە قاتىسۋشىلار ارالاسقان.
تەكسەرۋ ناتيجەسىندە پوليسيا ق ر اكىمشىلىك قۇقىقبۇزۋشىلىق تۋرالى كودەكستىڭ 434-بابىنىڭ 1-بولىگى ("ۇساق بۇزاقىلىق") بويىنشا ءىس قوزعادى.
"س. جانە ش. قالالىق تۋرنير كەزىندە بەيادەپ سوزدەر ايتىپ، قوعامدىق ءتارتىپ پەن اينالاداعى ادامداردىڭ تىنىشتىعىن بۇزاتىن، قۇرمەتسىزدىك بىلدىرەتىن ارەكەتتەر جاساعان"، – دەلىنگەن سوت قاۋلىسىندا.
سوت وتىرىسى بارىسىندا ەكى باپكەر دە كىناسىن مويىنداپ، كەشىرىم سۇراپ، قاتاڭ جازا قولدانباۋدى وتىنگەن.
"سوت قاۋلىسىمەن س. مەن ش. كىنالى دەپ تانىلىپ، ءارقايسىسىنا 78 640 تەڭگە كولەمىندە ايىپپۇل سالىندى"، – دەپ ءمالىم ەتتى سوتتا.
سوت اكتىلەرى ازىرگە زاڭدى كۇشىنە ەنگەن جوق.