كۋۆەيتتىڭ ەل-كۋۆەيت قالاسىندا قازاقستان قۇراماسىنىڭ ستەند اتۋدان وقۋ-جاتتىعۋ جيىنى باستالدى.
بۇل جيىنعا ۇلتتىق قۇرامانىڭ 42 سپورتشىسى قاتىسۋدا، دەپ حابارلايدى aqshamnews.kz.
ۇوك مالىمەتىنە ساي، سپورتشىلار تەحنيكالىق قاتەلىكتەردى جويۋ ماقساتىندا زاماناۋي ادىستەمەلەر مەن جابدىقتاردى قولدانا وتىرىپ جۇمىس ىستەيدى، بۇل ولاردىڭ شەبەرلىكتەرىن ارتتىرۋعا كومەكتەسەدى. جاس اتۋشىلارعا ەرەكشە نازار اۋدارىلىپ، ولارعا بولاشاقتا دامۋعا جاعداي جاسالۋدا. باعدارلاماعا جارىس جاعدايىنا جاقىن وقۋ-جاتتىعۋلار دا كىرىپ، كۇيزەلىسكە توزىمدىلىكتى نىعايتۋعا ىقپال ەتەدى.
وعان قوسا، سپورتشىلار كۇش پەن توزىمدىلىكتى دامىتۋعا باعىتتالعان فيزيكالىق دايىندىقتان، سونداي-اق پايدالى ۆيتاميندەر، ماسساج، مەديتاسيا جانە مونشاعا بارۋ سىندى وڭالتۋ شارالارىنان وتەدى.
وقۋ-جاتتىعۋ جيىنى 13 اقپانعا دەيىن جالعاسادى.