ستەند اتۋدان قازاقستان كۋبوگىنىڭ ءۇشىنشى كەزەڭى ءوتتى

100-دەن اسا سپورتشى جينالدى.

ەلوردادا ستەند اتۋدان قازاقستان كۋبوگىنىڭ ءۇشىنشى كەزەڭى مارەسىنە جەتتى. بايراقتى باسەكەدە سۇرمەرگەندەر سپورتتىڭ سكيت جانە سپورتينگ تۇرلەرى بويىنشا سىنعا تۇسكەن بولاتىن. وعان باس-اياعى 100-دەن اسا سپورتشى جينالىپ، ءوزارا مىقتىلاردى انىقتادى، دەپ حابارلايدى Almaty-akshamy.kz Egemen.kz سايتىنا سىلتەمە جاساپ.

«جارىس بارىسىندا قىز-جىگىتتەردىڭ بابىن بايقادىق. ولاردىڭ ءىزىن باسىپ كەلە جاتقان جاس سپورتشىلار دا نازاردا بولدى. جالپى العاندا، وتاندىق ستەند اتۋدىڭ دەڭگەيى وسكەن. ەندى ەڭ ۇزدىك ناتيجە كورسەتكەندەردى بارىنشا قولداپ، الەمدىك جارىستارعا جول اشۋ ماقساتى تۇر. ويتكەنى بۇل وليمپيادالىق باعىت سانالادى.

سوندىقتان ونىڭ دامۋىنا جان-جاقتى ۇلەس قوسۋ كەرەكپىز»، - دەيدى «نۇر-سۇلتان «وليمپيادالىق دايارلاۋ ورتالىعى» رمقك ديرەكتورى اندرەي موگيليەۆسكيي.

ناتيجەسىندە، ەرلەر اراسىندا ەدۋارد ەششەنكو، اندرەي فرولوۆ جانە داۆيد پوچيۆالوۆ سياقتى سپورتشىلار جۇلدەگەر اتاندى.

ايەلدەر اراسىندا زويا كراۆچەنكو الدىنا جان سالمادى. ال سپورتينگ تۇرىندە ەلوردالىق قۋانىش كۇشەكبايەۆ جەڭىمپاز اتاندى.

سونىمەن قاتار ستەند اتۋدىڭ كوماندالىق جانە ارالاس باعىتتارى بويىنشا دا مەدالدار جيىنتىعى ساراپقا سالىندى. جارىستا جاسوسپىرىمدەر دە ب ا ق سىناپ، شەبەرلىگىن شىڭداۋعا مۇمكىندىك الدى. ەندى وسى سۇرمەرگەندەر قاراشادا تاعى باس قوسىپ، قازاقستان كۋبوگىنىڭ شەشۋشى، ياعني ءتورتىنشى كەزەڭىنە جولداما الدى.

اتالعان جارىستىڭ قورىتىندىسى بويىنشا ۇلتتىق قۇراما جاساقتالىپ، حورۆاتيادا وتەتىن ليسەنزيالىق الەم چەمپيوناتىنا اتتانادى.