الماتىلىق جاس پوليسەيلەر وفيسەرلىك پوگوندارىن الدى

سالتاناتتى ءراسىم الماتى قالاسى پد-نىڭ مۇراجايىندا ءوتتى.

الماتىنىڭ جاس پوليسەيلەرى وفيسەرلىك پوگوندارىن الدى، دەپ حابارلايدى Almaty-akshamy.kz Polisia.kz-كە سىلتەمە جاساپ.

30-عا جۋىق جاس قىزمەتكەر لەيتەنانت پوگوندارىن الدى.

«بۇگىن سىزدەردىڭ ومىرلەرىڭىزدەگى ەڭ ءبىر ەلەۋلى، ءومىر بويى ەستەرىڭىزدە قالاتىن شاق دەپ ويلايمىن. ءبىرىنشى وفيسەرلىك اتاقتارىڭىزدى الىپ وتىرسىزدار، وسى قاتاردا تۇرعان، مەنەن باستاپ، ءاربىر ارىپتەستەرىمىز وسىلاي قىزمەتتى باستاعانبىز. وسى قالانىڭ تىنىشتىعىن ساقتاپ، ازاماتتاردىڭ ويىنان، كوڭىلىنەن شىعىپ، سەنىمىن اقتايتىن سىزدەر بولاسىزدار دەپ ويلايمىن. وسى قالانىڭ تىنىشتىعىنا، اعايىن، تۋعان-تۋىستىڭ اماندىعىنا، ءبىزدىڭ بەدەلىمىزدى اسىرۋعا بارلىقتارىڭىزدىڭ اتسالىساتىندارىڭىزعا سەنىمىم مول. مۇناۋ مۋزەيدىڭ ىشىندە قانداي كەرەمەت تاريحي قۇجاتتار بار، سۋرەتتەر بار، سول كىسىلەردىڭ ورنىن باساتىن سىزدەر بولاسىزدار، تاريحتا قالىڭىزدار. بارلىقتارىڭىزدى بۇگىنگى شەندەرىڭىزبەن قۇتتىقتايمىن. ەڭبەكتەرىڭىزگە تابىس، وتباسىلارىڭىزعا اماندىق، ساۋلىق تىلەيمىن»، – دەدى الماتى قالالىق پوليسيا دەپارتامەنتىنىڭ باستىعى ارىستانعاني زاپپاروۆ.