ستەند اتۋدان قازاقستان كۋبوگى وتۋدە

سۇرمەرگەندەر سايىسى. ەلوردادا ستەند اتۋدان قازاقستان كۋبوگىنىڭ ءۇشىنشى كەزەڭى باستالدى.

بايراقتى باسەكە 4 كەزەڭنەن تۇرادى. بۇل جولى ەلىمىزدىڭ تۇكپىر-تۇكپىرىنەن 100-دەن اسا سپورتشى جينالدى. ولاردىڭ اراسىندا قۇرلىقتىق جانە الەمدىك دودالاردا توپ جارىپ جۇرگەندەرى دە بار، دەپ حابارلايدى Almaty-akshamy.kz 24.kz-كە سىلتەمە جاساپ. 

جارىسقا قاتىسۋشىلار ستەند اتۋدىڭ سكيت جانە سپورتينگ تۇرلەرى بويىنشا ءوزارا مىقتىنى انىقتايدى. جارىستىڭ جالپى قورىتىندىسى 29 تامىزدا بەلگىلى بولادى. كەيىن ەل ۇزدىكتەرى قاراشا ايىندا تاعى دا باس قوسىپ، قازاقستان كۋبوگىنىڭ شەشۋشى، ياعني، ءتورتىنشى كەزەڭىندە باعىن سىنايدى. وسى جارىستار قورىتىندىسى بويىنشا ۇلتتىق قۇراما جاساقتالىپ، حورۆاتيادا وتەتىن ليسەنزيالىق الەم چەمپيوناتىنا قاتىساتى. ەلورداداعى اتۋ الاڭىندا قازاقستان كۋبوگىمەن پارالەل نۇر-سۇلتان قالاسىنىڭ اشىق چەمپيوناتى دا ۇيىمداستىرىلىپ جاتىر.

«ءبىر قۋانارلىعى – ەلورداداعى اتۋ الاڭى قايتا جاندانىپ، ايتۋلى الامانداردى قابىلداي باستادى. ويتكەنى ەكسپو كورمەسىنەن كەيىن 4 جىلداي تۇرالاپ قالىپ ەدى. ءقازىر مۇنداعى جاعداي جاقسى. سپورتشىلارعا وتە قولايلى. ءبىز وسى باسەكەلەر ناتيجەسىندە ەل ۇزدىكتەرىن ىرىكتەپ، بىرلەسكەن جاتتىعۋ جيىندارىن وتكىزەمىز. ودان كەيىن ءدال وسى سپورتشىلار حالىقارالىق جارىستاردا ەل نامىسىن قورعايدى»، - دەيدى قازاقستان سپورتتىق اتۋ فەدەراسياسىنىڭ باس حاتشىسى ولەگ پوچيۆالوۆ.