ق ر دەنساۋلىق ساقتاۋ ءمينيسترى اجار عينيات كوروناۆيرۋستىڭ «ستەلس-وميكرون» شتامىنا قاتىستى پىكىر ءبىلدىردى.
رەسمي مالىمەتكە سايكەس، وسى ۋاقىتقا دەيىن «ستەلس-وميكرون» 12 ايماقتا تىركەلگەن، دەپ حابارلايدى Almaty-akshamy.kz
«كوروناۆيرۋس ينفەكسياسىنىڭ بۇل ءتۇرى دەلتا شتامعا قاراعاندا جەڭىل وتەدى. ءبىراق ونىڭ دا ءقاۋپى بار، سەبەبى جىلدام تارالادى. كوروناۆيرۋستى ەكىنشى رەت جۇقتىرۋعا اكەلىپ سوقتىرادى»، - دەدى ا.عينيات.
ءمينيستردىڭ ايتۋىنشا، «ستەلس-وميكرون» رەسپۋبليكا بويىنشا تارالا باستادى. ءبىراق ماماندار ەپيدەميولوگيالىق جاعدايدى باقىلاپ كەلەدى.
«ستەلس-وميكروننىڭ» سيمپتومدارى بار ناۋقاستار وزدەرى دە كەلەدى، ءوزىمىز دە انىقتايمىز. ول ادامداردىڭ بارلىعى قاجەتتى ەم-دومدى تولىقتاي الىپ جاتىر. اۋرۋدىڭ قازىرگى سيپاتى كارانتيندىك شارالاردى قاجەت ەتپەيدى. سوندىقتان ەشقانداي شەكتەۋلەر جوق»، - دەپ اتاپ كورسەتتى مينيستر.
وسى ورايدا مينيستر بەتپەردە تاعۋ رەجيمىن ەنگىزۋدىڭ دە قاجەتى جوق دەدى. ءبىراق بارلىعى ەپيدەميولوگيالىق جاعدايعا بايلانىستى بولادى.