قازاقستاندىقتار ءۇشىن ەكى تاريف قول جەتىمدى، دەپ حابارلايدى aqshamnews.kz
كومپانيا «Starlink تەحنولوگياسى شالعاي جانە قولجەتىمدىلىگى قيىن ايماقتاردا دا تۇراقتى ينتەرنەت قوسىلۋىن قامتاماسىز ەتەدى» دەپ جازعان ءوزىنىڭ رەسمي سايتىندا.
قازاقستاندىقتار ءۇشىن ەكى تاريف قول جەتىمدى. ءبىرىنشىسى ءۇي مەن وفيسكە ارنالعان – Residentialءتاريفى. ونىڭ ايلىق تولەمى 23 مىڭنان 31 مىڭ تەڭگەگە دەيىن. قۇرىلعىسىنىڭ باعاسى – 104 مىڭ تەڭگە.
ەكىنشىسى تاريف – Roam. بۇل تاريف ساياحاتقا ارنالعان. ينتەرنەت الەمنىڭ 100 ەلىندە قول جەتىمدى بولادى.
مۇندا 50 GB روۋمينگتى ايىنا 26 مىڭ تەڭگەگە قوسۋعا بولادى. ال شەكسىز ينتەرنەت نۇسقاسىن قوسۋ ءۇشىن ايىنا 52 مىڭ تەڭگە تولەۋ قاجەت. بۇل جەردە دە قۇرىلعى قۇنى – 104 مىڭ تەڭگە.
ءتاريفتىڭ باسىمدىقتارى:
ەلدىڭ كەز كەلگەن جەرىندە ينتەرنەتكە قوسىلۋ؛
جولدا ءجۇرىپ تە عالامتور مۇمكىندىكتەرىن پايدالانۋ؛
ەلدەن تىس جەردە پايدالانۋ؛
جاعالاۋلاردا ينتەرنەتكە قوسىلۋ؛
قىزمەتتى ۋاقىتقا توقتاتا تۇرۋ.
ءتاريفتى قوسپاس بۇرىن، سىناق نۇسقاسىن الۋعا بولادى. ەگەر ۇناماسا كومپانيا تولەمدى قايتارىپ بەرۋگە ۋادە بەرەدى.
Starlink قوسىمشالارى:
Starlink؛
قۋاتتاعىش قۇرالى؛
كابەل؛
نەگىزگى قۇرىلعى؛
WiFi روۋتەر.
ەگەر قوسىمشا كابەلدەر مەن اكسەسسۋارلار قاجەت بولسا، وعان قوسىمشا تاپسىرىس بەرۋگە بولادى.
Starlinkء-تى قولدانۋ ءۇشىن iOS نەمەسە Android-قا ارنايى باعدارلاما ورناتۋ قاجەت. وسىدان كەيىن «كەدەرگىنى تەكسەرۋ» وپسياسىن باسىپ، اسپانى اشىق جەردى تاڭداۋ كەرەك. Starlink قۋاتتاعىشقا قوسىلعانان كەيىن بىرەر مينۋتتا ول سپۋتنيكپەن بايلانىس ورناتادى.
Starlink Standard Actuated جانە Starlink Performance(Gen 1) سپۋتنيكتى وزدىگىنەن ىزدەپ تابادى. بۇل ۋاقىتتا Starlinkء-تى ءوز بەتىڭمەن ورناتۋعا بولمايدى. Starlink Standard پەن StarlinkMinى-گە ارنايى قوسۋ قۇرالدارى قاجەت.
ءتاريفتى قالاي وزگەرتۋگە بولادى؟
ول ءۇشىن Starlink.com سايتىنداعى جەكە كابينەتىڭىزگە كىرىپ، «جازىلىمدار» بولىمىندەگى «باسقارۋ» تەتىگىن باسىپ، «تاريفتىك جوسپاردى وزگەرتۋ» باتىرماسىن باسۋ قاجەت.
ال باعدارلاما نۇسقاسىندا «Person» وپسياسىنا كىرىپ، «جازىلىمداردى باسقارۋ» ءبولىمىنىڭ ىشىندەگى «تاريفتىك جوسپاردى وزگەرتۋ» باتىرماسىن باسۋ كەرەك.
Starlinkء-تى قالاي الۋعا بولادى؟
كومپانيانىڭ رەسمي سايتىنا كىرىپ تاپسىرىس بەرۋگە بولادى. ول ءۇشىن سايتتىڭ باستى بەتىنىڭ سوڭىنداعى «Order now» باتىرماسىن باسۋ قاجەت. سايت اۆتوماتتى تۇردە ءسىزدىڭ ورنالاسقان جەرىڭىزدى انىقتاپ، ساتىپ الۋ بولىمىنە جىبەرەدى. سول جەرگە جەكە دەرەكتەرىڭىزدى تولتىراسىز. وسىدان كەيىن تاپسىرىسىڭىز 1-2 اپتانىڭ ىشىندە قولىڭىزعا تيەتىنى جونىندە حابارلاما شىعادى.