ستامبۇلدىڭ تاريحي ورتالىعى لالەلي شاعىن اۋدانىندا قازاق ءدامحاناسى اشىلدى.
باۋىرساق پەن قازى، قىمىز بەن قۋىرداق ۇسىناتىن مەيرامحانانىڭ اشىلۋىنا جەرگىلىكتى قانداستارىمىز بەن ستامبۇلدا جۇرگەن وتانداستارىمىز جينالدى.
اقساقالدار باتا بەرىپ، جاستار ءان ايتىپ، كىشىگىرىم مەرەكەگە اينالدى، دەپ حابارلايدى Almaty-akshamy.kz. qazaqstan.tv-گە سىلتەمە جاساپ.
اتامەكەننەن الىستا ءجۇرىپ، ۇلتتىق ءدامدى اڭساعان قازاقتار بۇل جەردە ءشاي ءىشىپ قانا قويماي باس قوسىپ اڭگىمە-دۇكەن قۇرادى.
"ستامبۇلدىڭ ءدال ورتاسىندا وسىنداي قازاق ءدامحاناسىنىڭ اشىلۋى ءبىز ءۇشىن دە قۋانىشتى جاعداي. ەت جەپ ءسۇتتى ءشاي ءىشۋ ءۇشىن ءوزىمىز دە، دوستارىمىز دا بۇل جەرگە ەندى ءجيى كەلىپ تۇراتىن بولامىز. قازاق ءدامىن اڭساعان ادامدار ءۇشىن وتە جاقسى بولدى. جۇمىستارىنا بەرەكە تىلەيمىن!"،-دەيدى ستامبۇل قالاسىنىڭ تۇرعىنى راشيدا يۋكسەل.