بۇل - الەكساندر گينسبۋرگتىڭ پىكىرى.
كوروناۆيرۋسقا قارسى پرەپاراتتى جاساۋشى الەكساندر گينسبۋرگ «سپۋتنيك V»ء-دى «وميكرون» شتامى بويىنشا وزگەرتۋ قاجەتتىلىگىنە قاتىستى ءوز پىكىرىن ءبىلدىردى، دەپ حابارلايدى Almaty-akshamy.kz Lenta.ru سايتىنا سىلتەمە جاساپ.
يممۋنولوگ ۆاكسينانىڭ قۇرامىن وزگەرتۋدىڭ قاجەتتىلىگى جوق دەپ سانايدى. ول «سپۋتنيك V» ۆاكسيناسى اتالعان شتام ءۇشىن موديفيكاسيانى قاجەت ەتپەيتىنىن ايتتى.
«وسىعان دەيىن ايتىلعان ۇسىنىستار وزگەرىسسىز قالادى —«سپۋتنيك V» ۆاكسينالاۋى جانە التى ايدان كەيىن «سپۋتنيك لايت» ريەۆاكسينالاۋى»، - دەدى گينسبۋرگ.
سونىمەن قاتار ول شەتەلدىك ۆاكسينا وندىرۋشىلەردىڭ پرەپارات قۇرامىن وزگەرتۋ تۋرالى مالىمدەمەلەرى ولاردىڭ ۆاكسينالاۋلارى وڭتۇستىك افريكا شتامىنا قارسى ارەكەت ەتپەيتىندىگىمەن بايلانىستى ەكەنىن ءتۇسىندىردى.