ءسادۋاقاس بايعابۇلوۆ الماتىنىڭ باس سانيتار دارىگەرى مىندەتىن ۋاقىتشا اتقارۋشى بولىپ تاعايىندالدى، دەپ حابارلايدى اlmaty-akshamy.kz
بۇل اقپاراتتى ءسادۋاقاس بايعابۇلوۆ راستادى.
«5 قاڭتاردان باستاپ مەن الماتى قالاسىنىڭ باس مەملەكەتتىك سانيتارلىق دارىگەرى مىندەتىن ۋاقىتشا اتقارىپ ءجۇرمىن»، - دەپ جاۋاپ بەردى ول. بۇعان دەيىن جانداربەك بەكشين زەينەتكە شىعۋىنا بايلانىستى قىزمەتىنەن كەتەتىنى تۋرالى جازعان بولاتىنبىز.
ەسكە سالايىق، جانداربەك بەكشين الماتىنىڭ باس سانيتار دارىگەرى قىزمەتىنە 2020 جىلدىڭ ءساۋىر ايىندا تاعايىندالدى.
2019 جىلدىڭ ماۋسىم ايىنان بەرى دەنساۋلىق ساقتاۋ مينيسترلىگىنىڭ تاۋارلار مەن كورسەتىلەتىن قىزمەتتەردىڭ ساپاسى جانە قاۋىپسىزدىگىن باقىلاۋ كوميتەتى ءتوراعاسىنىڭ ورىنباسارى - باس مەملەكەتتىك سانيتار دارىگەر قىزمەتىن اتقارعان.