بۇل - رەسەيدىڭ تىكەلەي ينۆەستيسيالار قورىنىڭ باسشىسى كيريلل دميترييەۆتىڭ مالىمدەمەسى.
رەسەيدىڭ تىكەلەي ينۆەستيسيالار قورى «سپۋتنيك V» پرەپاراتىنىڭ "وميكرون" شتامىنان قورعاۋ اسەرىن زەرتتەۋ دەرەكتەرىن ۇسىنۋعا دايىن، دەپ حابارلايدى Almaty-akshamy.kz ءىnterfax.ru سايتىنا سىلتەمە جاساپ.
رتيق باسشىسى كيريلل دميترييەۆ رەسەيلىك ۆاكسينا "وميكروننىڭ" اۋىر اعىمىنان باسقالارعا قاراعاندا جاقسى قورعايتىنىن ايتتى.
ونىڭ ايتۋىنشا، كەلەسى اپتادا «سپۋتنيك» پرەپاراتىنىڭ اۋرۋحاناعا جاتىپ قالۋدان جانە ولىم-جىتىمنەن ساقتايتىن مۇمكىندىكتەرى تۋرالى ەگجەي-تەگجەيلى اقپارات ۇسىنىلادى.
جاقىندا گامالەيا اتىنداعى ورتالىق ديرەكتورى الەكساندر گينسبۋرگ «سپۋتنيك V»-مەن covid-19 كوروناۆيرۋسىنىڭ «وميكرون» شتامىنا قارسى ۆاكسيناسيانىڭ قانشالىقتى ءتيىمدى ەكەندىگى تۋرالى ايتقان بولاتىن. ول كلينيكالىق مالىمەتتەر ۆاكسينانىڭ قۇرامىن وزگەرتۋدىڭ قاجەتى جوق ەكەندىگىنىڭ ناقتى دالەلى بولادى دەپ مالىمدەدى. گينسبۋرگ تەك «سپۋتنيك لايتپەن» ريەۆاكسينالاۋدان ءوتۋ جەتكىلىكتى دەگەن بولاتىن.
رتيق جانە گامالەيا اتىنداعى ورتالىق عالىمدارى زەرتحانالىق زەرتتەۋلەردىڭ دەرەكتەرى «سپۋتنيك» ەكپەسىن سالدىرۋ جاڭا شتامعا جوعارى بەيتاراپتاندىرعىش قابىلەت قالىپتاستىراتىنىن دالەلدەپ كورسەتتى. ريەۆاكسينالاۋدان كەيىنگى تيىمدىلىك 80% جەتۋى مۇمكىن.