كولىك پوليسياسى الماتى اۋەجايىندا قوعامدىق ءتارتىپتى قاداعالاۋ بويىنشا قوسىمشا شارالار قابىلدادى
الماتى قالاسى اۋەجايىنداعى جەلىلىك پوليسيا ءبولىمىنىڭ باستىعى تالعات ءتالىپوۆتىڭ ايتۋىنشا، اۋەجايداعى كولىك ساقشىلارى كۇشەيتىلگەن رەجيمدە جۇمىس ىستەپ جاتىر. پوليسەيلەر قوعامدىق ءتارتىپ پەن جۇكتەردى ساقتاۋعا، سونداي-اق ىزدەستىرۋدە جۇرگەن تۇلعالاردى انىقتاۋعا باسا كوڭىل بولۋدە.
«جەكە قۇراممەن جولاۋشىلارعا بارىنشا كومەك كورسەتۋگە باعىتتالعان ءتيىستى نۇسقامالار جۇرگىزىلۋدە. اۆياسيالىق قاۋىپسىزدىك قىزمەتى وكىلدەرىمەن بىرلەسىپ، مەتالل ىزدەۋ قۇرىلعىلارى ارقىلى تەكسەرىس جۇرگىزىلىپ جاتىر. ءقازىر تەرمينالعا كىرۋگە تەك ۇشاتىن جولاۋشىلارعا رۇقسات بەرىلگەن. جولاۋشىلار مەن ولاردىڭ جۇكتەرى تەكسەرىلەدى»، - دەدى ول.
وسىعان بايلانىستى ول جولاۋشىلاردان پوليسيا قىزمەتكەرلەرىنىڭ ولاردىڭ قۇجاتتارىن تەكسەرۋ كەزىندەگى ارەكەتتەرىنە تۇسىنىستىكپەن قاراۋىن سۇرايدى.
«تىيىم سالىنعان زاتتاردى ساقتاۋ، تاسىمالداۋ ارەكەتى اكىمشىلىك جانە قىلمىستىق جاۋاپكەرشىلىككە اكەپ سوقتىراتىنىن اتاپ وتكىم كەلەدى»، – دەدى تالعات ءتالىپوۆ.
بۇدان باسقا شەتەل ازاماتتارىنىڭ جانە ازاماتتىعى جوق تۇلعالاردىڭ ق ر كوشى-قون زاڭناماسى تالاپتارىن ساقتاۋىنا باقىلاۋ كۇشەيتىلگەن.
«قازىرگى ۋاقىتتا ەلىمىزدەگى سانيتارلىق-ەپيدەميولوگيالىق جاعدايدىڭ جاقسارماي، كەرىسىنشە، كۇن سايىن سوVءىD-19 دياگنوزى راستالعان تۇلعالاردىڭ سانى ارتىپ وتىرعانىن قاپەرگە الامىز. وسىعان قاراي، ازاماتتارعا اۋەجايلار مەن باسقا دا قوعامدىق ورىنداردا قاۋىپسىزدىك شارالارىن ساقتاۋلارىن، جەكە قورعانۋ قۇرالدارىن قولدانۋلارىن سۇرايمىز»، – دەپ قوستى ول.