سپورتشىلار سۋردليمپياداعا اتتاندى

الماتىدا ەستۋ قابىلەتى زاقىمدانعان سپورتشىلار اراسىندا وتەتىن XX قىسقى سۋردليمپيادا ويىندارىنا ۇلتتىق قۇرامانى رەسمي شىعارىپ سالۋ ءراسىمى ءوتتى.

حح قىسقى سۋردليمپيادا ويىن­دارى 2-12 ناۋرىز ارالىعىن­دا تۇركيانىڭ ەرزۋرۋم قالاسىندا وتەدى. ءدۇبىرلى دوداعا 36 مەملە­كەت­تەن مىڭعا جۋىق سپورتشى قاتىسا­دى. جارىستا تاۋ شاڭعىسى، سنوۋ­بورد، شاڭعى جارىسى، شاحمات، فۋت­زال جانە كەرلينگ سپورت تۇرلە­رىنەن 34 كومپلەكت مەدال وينا­تىلادى.

قازاقستان تاراپىنان قىسقى ويىندارعا شاحمات، سنوۋبورد جانە شاڭعى جارىسىنان 26 سپورتشى قاتىسادى. بايراقتى باسەكەدە ەل نا­مىسىن شاحمات جارىسى بويىن­شا استانالىق سۋردو سپورتشىلار ءاليا مۇراتوۆا مەن سۇلتان قو­جاح­مەتوۆ قورعايدى. 

شارا بارىسىندا قىسقى سۋر­دليمپيادا ويىندارىنىڭ اشىلۋ سالتاناتىنا ەلىمىزدىڭ تۋىن ۇستاپ شىعۋ مارتەبەسى شاحماتتان الەم چەمپيوناتىنىڭ قولا جۇلدەگەرى ەلوردالىق سۇلتان قوجاحمەتوۆكە تاپسىرىلدى. سپورتشىعا تۋدى سيدنەيدە وتكەن جازعى وليمپيادا ويىندارىنىڭ جەڭىمپازى ەرما­حان ىبرايىموۆ تابىس ەتتى.

«شاحماتپەن اينالىسقانىما 10 جىلدان استام ۋاقىت بولدى. بيىل العاش رەت قىسقى سۋردليم­پيادا ويىندارىنا قاتىسقالى تۇرمىن. بۇل جارىستا ەلىمىزدىڭ تۋىن ۇستاپ شىعۋ ۇلكەن ابىروي. ەل ءۇمىتىن اقتاپ، ۇزدىكتەر قاتا­رىن­دا بولۋعا بارلىق كۇش-جىگەرىمدى سالامىن!» – دەدى سۇلتان قوجاح­مەتوۆ.